កីឡាការិនីវ៉េណេស៊ុយអេឡា Yulimar Rojas បានបង្កើតឯតទគ្គកម្មពិភពលោកដែលជាកីឡាការីនីដំបូងគេដែលបានបំបែកឯកទកម្មកីឡាអូឡាំពិកទីក្រុងតូក្យូ ខណៈនាងឈ្នះមេដាយមាសអូឡាំពិកក្នុងការលោតចម្ងាយ។
Rojas ដែលជាម្ចាស់មេដាយប្រាក់កាលពីព្រឹត្តិការណ៍អូឡាំពិននៅទីក្រុងរីយ៉ូ២០១៦ បានលោតបានចម្ងាយ១៥.៦៧ ម៉ែត្រដើម្បីបំបែកកំណត់ត្រាចម្ងាយ១៥.៥០ម៉ែត្រដែលល្អបំផុតដែលបានកំណត់ដោយកីឡាការិនី Inessa Kravets របស់អ៊ុយក្រែនកាលពីឆ្នាំ១៩៩៥ ពោលគឺពីរខែមុនពេល Rojas កើត។
កីឡាការិនីវ័យ២៥ឆ្នាំរូបនេះបាននិយាយថា “ខ្ញុំវង្វេងស្មារតី ខ្ញុំមិនអាចពិពណ៌នាអំពីអារម្មណ៍នេះ និងពេលនេះទេ។ ម្ចាស់មេដាយមាសជាមួយកំណត់ត្រាអូឡាំពិក និងកំណត់ត្រាពិភពលោកគឺអស្ចារ្យណាស់វាជារាត្រីដ៏អស្ចារ្យ” ។
សមិទ្ធផលរបស់ Rojas ដែលរួមបញ្ចូលទាំងពានរង្វាន់ពិភពលោកនៅឆ្នាំ២០១៧ និងឆ្នាំ២០១៩ មានន័យថា នាងគឺជាវីរនារីជាតិរួចទៅហើយនៅក្នុងប្រទេសវ៉េណេស៊ុយអេឡាដែលផ្ទាំងគំនូរពណ៌នាអំពីការលោតរបស់នាងលើ Angel Falls ត្រូវបានគេលាបពណ៌នៅក្នុងរដ្ឋធានីការ៉ាកាសដែលជាកន្លែងដែលនាងធំឡើង។
ប្រជាប្រិយភាពរបស់នាងទំនងជានឹងកើនឡើងថែមទៀតបន្ទាប់ពីការខិតខំប្រឹងប្រែងបំបែកឯតទគ្គកម្មរបស់នាងនៅទីក្រុងតូក្យូដែលបានឈានដល់ការលោតលើកទី៦ និងចុងក្រោយរបស់នាងបន្ទាប់ពីមេដាយមាសត្រូវបានធានារួចហើយ។
Rojas បាននិយាយក្រោយជ័យជម្នះកាលពីថ្ងៃអាទិត្យថា “ខ្ញុំកំពុងស្វែងរកវា ខ្ញុំដឹងថាយើងមានចំងាយឆ្ងាយដើម្បីទទួលបានថ្ងៃនេះ។ ខ្ញុំផ្តោតលើការផ្តល់អ្វីដែលល្អបំផុតរបស់ខ្ញុំរីករាយជាមួយវា វាធ្វើឱ្យខ្ញុំសប្បាយចិត្ត។ ខ្ញុំត្រូវរីករាយជាមួយវាឥឡូវនេះហើយរស់នៅតាមបទពិសោធន៍” ។
ជាមួយគ្នានោះកីឡាការិនី Patricia Mamona ជនជាតិព័រទុយហ្កាល់លោតបានចម្ងាយ១៥.០១ម៉ែត្រដើម្បីឈ្នះមេដាយប្រាក់ផងដែរ ៕ (រូបភាព ៖ BBC Sport) ដោយ៖ភារៈ
