ភ្នំពេញ៖ បេីយោងតាមហ្វេសប៊ុកផ្លូវការរបស់សាលាខណ្ឌទួលគោក នៅព្រឹកថ្ងៃចន្ទទី០៩ ខែសីហា ឆ្នាំ២០២១នេះ បានឱ្យដឹងថា៖ កម្លាំងចម្រុះរបស់សាលារាជធានីភ្នំពេញ និងអាជ្ញាធរខណ្ឌទួលគោក សហការជាមួយក្រុមគ្រូពេទ្យសម្តេចតេជោ យកសំណាកលើកទី១ ដើម្បីធ្វើតេស្តរហ័សរកវីរុសកូវីដ-១៩ លើ បុគ្គលសណ្ឋាគារឡាក់គីស្តារសង្ស័យឆ្លងវីរុសកូវីដ-១៩ បំប្លែងថ្មី ។
ប្រភពដដែល បន្តថា ដើម្បីធ្វើតេស្តរហ័សរកវីរុសកូវីដ-១៩ លើ បុគ្គលសណ្ឋាគារឡាក់គីស្តារសង្ស័យឆ្លងវីរុសកូវីដ-១៩ បំប្លែងថ្មី ស្ថិតនៅសង្កាត់ផ្សារដើមគរ ផ្លូវលេខ៣៣៦ សង្កាត់ផ្សារដេីមគ ខណ្ឌទួលគោក។
សូមជម្រាបថា នៅក្នុងប្រតិបត្តិការនេះ គឺមន្រ្តីជំនាញពាក់ព័ន្ធចុះស្វែងរក#Delta រហូតដល់ល្ងាចថ្ងៃទី០៩ ខែសីហា ឆ្នាំ២០២១នេះ។
គួរបញ្ជាក់ថា នៅថ្ងៃចន្ទទី០៩ ខែសីហា ឆ្នាំ២០២១នេះ បើយោងតាមសេចក្ដីជូនដំណឹងរបស់ក្រសួងសុខាភិបាលកម្ពុជា បានប្រកាសរកឃើញករណីវិជ្ជមានវីរុសកូវីដ-១៩ថ្មីចំនួន ៥០៨នាក់ ខណៈឣ្នកជាសះស្បើយចំនួន ៦៦០នាក់ និងករណីស្លាប់ ២៣នាក់។
ក្នុងនោះ៖ មានករណីឆ្លងសហគមន៍ ៣៨៧នាក់, និងអ្នកដំណើរពីបរទេស ១២១នាក់។ បច្ចុប្បន្នគិតត្រឹមព្រឹក ថ្ងៃទី០៩ ខែសីហា ឆ្នាំ២០២១នេះ ប្រទេសកម្ពុជា អ្នកឆ្លងសរុប= 82,399 នាក់, អ្នកជាសះស្បើយ= 76,155 នាក់, រីឯអ្នកជំងឺកូវីដស្លាប់= 1,585 នាក់ហើយ៕
ដោយ៖សហការី
