ខេត្តបន្ទាយមានជ័យ៖ លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ជាមួយក្រុមការងារអាជ្ញាធរជាតិប្រ យុទ្ធប្រឆាំងគ្រឿងញៀន អាជ្ញាធរក្រុង កងកម្លាំងចម្រុះ នាថ្ងៃទី១៩ ខែសីហា ឆ្នាំ២០២១នេះ បានចុះសួរសុខទុក្ខ និងផ្តល់អំណោយឧបត្ថម្ភ របស់លោកនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងលោកស្រីឧកញ៉ា ម៉ៅ ម៉ាល័យ ដល់ជនបន្សាបគ្រឿងញៀនដែលមានវិជ្ជមានកូវីដ១៩ កំពុងសម្រាកព្យាបាលនៅមណ្ឌលព្យាបាលកម្រិតស្រាល តាឡាក់ប៉ោយប៉ែត ក្រុងប៉ោយប៉ែត ចំនួន ២០០នាក់។
ជាក់ស្ដែងជនបន្សាបគ្រឿងញៀនដែលកំពុងសម្រាកព្យាបាលនៅមណ្ឌលព្យាបាលកម្រិតស្រាល តាឡាក់ប៉ោយប៉ែត ក្រុងប៉ោយប៉ែតចំនួន ២០០នាក់ ក្នុង១នាក់ៗទទួលបាន៖ មីម៉ាម៉ា ១កេស,ក្រម៉ា ១, ទឹកក្រូច ៦កំប៉ុង ,ទឹកដោះគោឆៅ ២កំប៉ុង ,ថ្នាំដូសធ្មេញ ២ដុំ, ច្រាសដូសធ្មេញ ២, សាប៊ូ ២ដុំ ,ទឹកបរិសុទ្ធ ២យួរ។
ក្នុងនាមរដ្ឋបាលខេត្តបន្ទាយមានជ័យ និងប្រជាពលរដ្ឋ
សូមគោរពថ្លែងអំណរគុណយ៉ាងជ្រាលជ្រៅ
លោកឧបនាយករដ្ឋមន្ត្រី កែ គឹមយ៉ាន ដែលបានចូលរួមឧបត្ថម្ភអំណោយថសម្រាប់ខេត្តប្រេីប្រាស់ក្នុងការចូលរួមទប់ស្កាត់ការរីករាលដាលនៃជំងឺកូវីដ-១៩ ក្នុងខេត្ត ការចូលរួមផ្តល់អំណោយនាពេលនេះ គឺជាសកម្មភាពមនុស្សធម៌មួយដែលបង្ហាញពីការចូលរួមចំណែកជាមួយរាជរដ្ឋាភិបាល រដ្ឋបាលខេត្ត និងប្រជាពលរដ្ឋដែលកំពុងត្រូវការផ្គត់ផ្គង់នូវគ្រឿងឧបភោគបរិភោគនិងសំភារៈជូនពួកគាត់ កំពុងធ្វើច័ត្តាឡីស័ក និង កំពុងសម្រាកព្យាបាលជំងឺកូវីត-១៩ បច្ចុប្បន្នក្នុងខេត្ត។
ជាចុងក្រោយ រដ្ឋបាលខេត្ត សូមគោរពជូនពរ លោកឧបនាយករដ្ឋមន្ត្រី និង លោកស្រី ព្រមទាំងគ្រួសារ ជួបតែសេចក្ដីសុខ គ្រប់ប្រការ សុខភាពមាំមួន ជៀសផុតពីជំងឺកាចសាហាវទាំងឡាយ និងជួបតែពុទ្ធពរទាំង ៤ ប្រការគឺអាយុ វណ្ណៈ សុខៈ ពៈលៈ កុំបីឃ្លៀងឃ្លាតឡើយ ៕
ដោយ៖សហការី
