West Ham ទិញបានខ្សែការពារបារាំង Kurt Zouma ពី Chelsea ក្នុងតម្លៃ២៩,៨លានផោន

 

 

ក្លិប West Ham បានចុះហត្ថលេខាជាមួយខ្សែការពារកណ្តាលសញ្ជាតិបារាំង Kurt Zouma ពីក្លិបតោខៀវ Chelsea ក្នុងកិច្ចព្រមព្រៀងរយៈពេល៤ឆ្នាំក្នុងតម្លៃ២៩,៨លានផោន។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃទី២៩ សីហា។

 

 

Kurt Zouma វ័យ២៦ឆ្នាំបានជួយក្រុមឈ្នះពានរង្វាន់ក្របខ័ណ្ឌ Premier League ចំនួន២, ពានរង្វាន់ក្របខ័ណ្ឌ Champions League និង League Cup ក្នុងអំឡុងពេល៧ឆ្នាំរបស់គាត់នៅឯ Stamford Bridge។ គាត់លេងឱ្យបារាំងបាន៨ដង និងធ្លាប់ខ្ចីជើងនៅក្លិប Saint-Etienne, Stoke City និង Everton អំឡុងពេលគាត់នៅ Chelsea ។

 

 

Kurt Zouma បាននិយាយថា “ខ្ញុំសប្បាយចិត្ត និងមានមោទនភាពខ្លាំងណាស់។ ការសន្ទនារបស់ខ្ញុំជាមួយអ្នកចាត់ការបានដំណើរការលឿនណាស់ ខ្ញុំគ្រាន់តែមានអារម្មណ៍ថាគាត់ពិតជាចង់ឲ្យខ្ញុំមកចូលរួមជាមួយក្រុម ជាពិសេសក្រុមល្អដែលបានចាប់ផ្តើមរដូវកាលបានល្អណាស់។ ជាមួយនឹងរដូវកាលដ៏អស្ចារ្យដែលក្រុម West Ham មានកាលពីឆ្នាំមុនដែលបានផ្តល់ឱ្យក្រុមនូវទំនុកចិត្តយ៉ាងច្រើនដើម្បីធ្វើឱ្យប្រសើរឡើងនៅឆ្នាំនេះហើយខ្ញុំចង់ជួយក្រុមឱ្យធ្វើដូច្នេះ” ។

 

 

Zouma បានចូលរួមជាមួយក្រុមតោខៀវ Chelsea ក្នុងនាមជាកីឡាករវ័យ១៩ឆ្នាំ ពេលផ្លាស់មកពី Saint-Etienne កាលពីខែមករា ឆ្នាំ២០១៤ និងបានបង្ហាញខ្លួន១៥១លើកសម្រាប់ក្រុមតោខៀវក្នុងការប្រកួតទាំងអស់ដោយស៊ុតបញ្ចូលទីបាន១០គ្រាប់។

 

 

កីឡាករសញ្ជាតិបារាំងរូបនេះបានលេង៣៦ដងសម្រាប់ក្រុមតោខៀវ Chelsea កាលពីរដូវកាលមុនប៉ុន្តែមិនបានលេចធ្លោនៅក្នុងផែនការរយៈពេលវែងរបស់គ្រូបង្វឹកលោក Thomas Tuchel ដែលជាគោលដៅរបស់ខ្សែការពារបារាំង Jules Kounde វ័យ២២ឆ្នាំរបស់ក្លិប Sevilla។

 

 

West Ham កំពុងឈរនៅលើកំពូលតារាង Premier League ដោយមាន៧ពិន្ទុពីការប្រកួត៣លើកបន្ទាប់ពីស្មើ ២-២ កាលពីរាត្រីថ្ងៃសៅរ៍ជាមួយក្រុមភ្ញៀវ Crystal Palace។

 

 

លោក David Moyes ដែលជាគ្រូបង្វឹករបស់ក្រុមញញួរធំ West Ham បាននិយាយថា “ខ្ញុំរីករាយដែលបានស្វាគមន៍ Kurt Zouma មកកាន់ West Ham United ។ គាត់គឺជាកីឡាករដែលយើងបានតាមដានមួយរយៈ ហើយយើងបានយកចិត្តទុកដាក់ និងឧស្សាហ៍ព្យាយាមដើម្បីធ្វើឱ្យការផ្ទេរកើតឡើង។ គាត់តែងតែជាជម្រើសដំបូងរបស់យើង ហើយខ្ញុំពិតជារីករាយណាស់ដែលឥឡូវនេះគាត់គឺជាកីឡាកររបស់យើង” ។

 

 

កីឡាករ Kurt Zouma ដែលនឹងត្រូវភ្ជាប់ជាមួយក្រុមជម្រើសជាតិបារាំងនៅសប្តាហ៍នេះសម្រាប់ការប្រកួតជម្រុះ World Cup របស់ពួកគេទល់នឹងក្រុម បូស្នៀ, អ៊ុយក្រែន និងហ្វាំងឡង់អាចធ្វើឱ្យ West Ham របស់គាត់បង្ហាញខ្លួនជាលើកដំបូងពេលប៉ះក្រុម Southampton នៅថ្ងៃទី១១ ខែកញ្ញានៅពេលដែលក្របខ័ណ្ឌ Premier League ត្រលប់មកវិញបន្ទាប់ពីបំពេញកាតព្វកិច្ចប្រកួតឲ្យជម្រើសជាតិ៕ (រូបភាព ៖ BBC Sport)