ខេត្តបាត់ដំបង÷ លោកឈឹម វិច្ឆរ៉ា ប្រធានមន្ទីរកសិកម្មរុក្ខាប្រមាញ់និងនេសាទខេត្តបាត់ដំបងបានឱ្យដឹងថា ការប្រមូលទិញផ្លែមៀនប៉ៃលិន(តាង៉ែន) និងមៀនក្រអូប (មៀនខ្មែរ) ចាប់ពីថ្ងៃទី១៧ថ្ងៃទី១៧ខែសីហាដល់ថ្ងៃទី៣០ខែសីហា ដែលមានរយ:ពេល(១៣ថ្ងៃ) ក្រុមការងារបានចុះទិញផ្ទាល់នៅតាមស្រុកចំនួន៧ ដែលមានផ្លែមៀនប៉ៃលិន (តាង៉ែន) និងមៀនក្រអូបមានចំនួន ៩៨០តោន ខណៈដែលបានទទួលទិញជំហានដំបូងនៅទីលានបាល់ទាត់វាលបែកចានក្នុងក្រុងបាត់ដំបងបានចំនួន៧៧៨តោន។ សរុបលទ្ធផលប្រមូលទិញរយៈពេល១៣ថ្ងៃនេះមានចំនួន១៧៥៨តោន ហើយក៏កំពុងបន្តទិញជាបន្តទៀត។
លោកបន្តថា យុទ្ធនាការចុះប្រមូលទិញផ្លែមៀនប៉ៃលិន (តាង៉ែន)នៅខេត្តបាត់ដំបង នៅតែបន្តដែលដឹកដឹកនាំដោយនាយឧត្តមសេនីយ៌ ហុីង ប៊ុនហៀង ប្រធានក្រុមការងារដឹកនាំក្រុមខុទ្ទកាល័យ ដោយសហការជាមួយរដ្ឋបាលខេត្តមន្ទីរជំនាញ។ ក្រៅពីកំណត់គោលដៅនៅទីលានបែកចានសម្រាប់ទទួលទិញពីកសិករ ក៏មានការដឹកនាំក្រុមចុះទៅទិញដល់ចម្ការថែមទៀត។
សូមបញ្ជាក់ថា
ក្រោយពីប្រជាកសិករប្រឈមទីផ្សារសម្រាប់នាំចេញទៅប្រទេសថៃ ខណ:ប្រទេសថៃកំពុងមានវិបត្តិកូវីដ១៩ធ្ងន់ធ្ងរធ្វើឱ្យកកស្ទះកសិផលផ្លែមៀន(តាង៉ែន)ដោយរកទីផ្សារមិនបានធ្វើឲ្យ
វបត្តិដ៏ធ្ងន់ធ្ងរនេះ ប្រមុខរាជរដ្ឋាភិបាលកម្ពុជាបានសម្រេចចិត្តបង្កើតក្រុមការងារចុះប្រមូលទិញផ្លែមៀនទាំងអស់របស់ប្រជាកសិករតាមបណ្តាខេត្ត ដែលប្រឈមពិសេសក្នុងខេត្តបាត់ដំបងនិងប៉ៃលិន លើកលែងតែចម្ការរបស់លោកឧកញ៉ាឬឯកឧត្តមប៉ុណ្ណោះ៕
ដោយ÷ប្រាថ្នា
