ខេត្តកណ្ដាល ៖ ជនសង្ស័យចំនួនត្រូវបានកម្លាំងនគរបាលស្រុកពញាឮផ្កាខ្លួនបានជាបន្តបន្ទាប់ក្នុងពីរក្នុងពីគោលដៅផ្សេងគ្នាពាក់ព័ន្ធទៅនឹងករណីជួញដូរនិងប្រើប្រាស់គ្រឿងញៀន។
ហេតុការណ៍នេះបានកើតឡើងកាលពីវេលាម៉ោង ១៤ និង ០០ នាទី ថ្ងៃសៅរ៍ ៥ កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី១១ ខែកញ្ញា ឆ្នាំ២០២១ ។
សមត្ថកិច្ចបានឲ្យដឹងថា ការឃាត់ខ្លួនជនសង្ស័យមានចំនួន៥នាក់ ស្រី១នាក់ព្រមទាំងចាប់យកវត្ថុតាងសរុបមាន
១គ្រឿងញៀន មេតំហ្វេតាមីន (Ice) ចំនួន១៦កញ្ចប់ (ធំ ០៦, តូច ១០ ) ទម្ងន់សរុប ៦០១,៨៤ ក្រាម ។
២ទូរសព្ទ័ចំរុះ ចំនួន ៥ គ្រឿង ។
៣ឧបករណ៏ប្រើប្រាស់គ្រឿងញៀន មួយចំនួន ។
៤ម៉ូតូ ចំនួន ៥ គ្រឿង ។
ក្នុងនោះដោយចំណាត់ការលើគោលដៅទី ១ នៅវេលាម៉ោង១៤ និង០០នាទី ចំណុចៈ ផ្ទះរបស់ឈ្មោះ ឈឺន ផានី ភូមិតាពេទ្យ ឃុំជ្រៃលាស់ ស្រុកពញាឮ ខេត្តកណ្តាល
ឃាត់ខ្លួនជនសង្ស័យបាន៣នាក់
១-ឈ្មោះ ង៉ែត យូឡុង ភេទប្រុស អាយុ៣៤ឆ្នាំ ជនជាតិខ្មែរ មុខរបរបើករថយន្ត មានទីលំនៅ ភូមិតាគោ ឃុំជ្រៃលាស់ ស្រុកពញាឮ ខេត្តកណ្តាល (ជួញដូរ )
២-ឈ្មោះ ឈឺន ផានី ភេទប្រុស អាយុ៣០ឆ្នាំ ជនជាតិខ្មែរ មុខរបរកម្មករ មានទីលំនៅភូមិតាពេទ្យ ឃុំជ្រៃលាស់ ស្រុកពញាឮ ខេត្តកណ្តាល (ប្រើប្រាស់ )
៣-ឈ្មោះ ម៉ៃ គឹមហឿន ហៅរាជ ភេទប្រុស អាយុ៣៤ឆ្នាំ ជនជាតិខ្មែរ មុខរបរបើកបររថយន្ត មានទីលំនៅ ភូមិតាពេទ្យ ឃុំជ្រៃលាស់ ស្រុកពញាឮ ខេត្តកណ្តាល (ប្រើប្រាស់)
ធ្វើការចាប់យកវត្ថុតាងមាន៖
១-គ្រឿញៀន មេតំហ្វេតាមីន (ice) ចំនួន ០៧កញ្ចប់តូច ទម្ងន់ ១,១៧ក្រាម ។
២-ឧបករណ៍ប្រើប្រាស់សារធាតុញៀនមួយចំនួន ។
៣-ទូរសព្ទ័ ចំនួន ០៣គ្រឿង ( ម៉ាក iPhone 6 ចំនួន០១គ្រឿង, ម៉ាក Realmeចំនួន១ គ្រឿង , ម៉ាក Nokia ចុចពិល ចំនួន១ គ្រឿង ) ។
៤-ម៉ូតូ ចំនួន ៣គ្រឿង (១-ម៉ាក Honda PCX ពណ៌ស លាយឈាមជ្រូក ផលិតឆ្នាំ២០១៥ ពាក់ស្លាកលេខ ភ្នំពេញ 1FE-9090 , ២-ម៉ាក Let’s ពណ៌ស លាយក្រហម ផលិតឆ្នាំ២០១៥ ពាក់ស្លាកលេខ ភ្នំពេញ 1CF-1671 , ៣-ម៉ាក SUZUKI Smash Revo ពណ៌ខ្មៅ ផលិតឆ្នាំ២០០៩ ពាក់ស្លាកលេខ ភ្នំពេញ 1AD-1501) ។
ចំណែកគោលដៅទី២ នៅវេលាម៉ោង១៥ និង៤០នាទី នៅចំណុចៈ ផ្ទះជួលរបស់ឈ្មោះ សុខ គឹមសាក់ ភូមិស្លែង ឃុំជ្រៃលាស់ ស្រុកពញាឮ ខេត្តកណ្តាល ។
ឃាត់ខ្លួនជនសង្ស័យ២នាក់
១-ឈ្មោះ សុខលី ឆវ័ន្ត ហៅ សាត វណ្ណឌី ហៅឌី ភេទប្រុស អាយុ ៤៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិ ប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ( មេបណ្តាញជួញដូរ )ធ្លាប់ជាប់ពន្ធនាគារព្រៃស ចំនួន២ឆ្នាំ (២០១៤ ដល់ ២០១៦ ) ។
២-ឈ្មោះ សុខ គឹមសាក់ ភេទស្រី អាយុ២៥ឆ្នាំ ជនជាតិខ្មែរ មុខរបរកម្មការីនី មានទីលំនៅភូមិ ស្លែងដីដុះ ឃុំព្រែកតាទែន ស្រុកពញាឮ ខេត្តកណ្តាល បច្ចុប្បន្នស្នាក់នៅផ្ទះជួលភូមិស្លែង ឃុំជ្រៃលាស់ ស្រុក ពញាឮ ខេត្តកណ្តាល ( ជួញដូរ )
ចាប់យកវត្ថុតាងមាន
១-គ្រឿងញៀន មេតំហ្វតាមីន (ice) ចំនួន ៩កញ្ចប់ (ធំ៦, តូច៣ ) ទម្ងន់ ៦០០,៦៧ក្រាម (ជាង៦ខាំ) ។
២-ទូរសព្ទចំនួន ០២គ្រឿង ( ម៉ាកNokia ចុចពិល និង ម៉ាក IPad ) ។
៣-ម៉ូតូចំនួន ០២ គ្រឿង ( ម៉ាក PCX ពណ៍ស ផលិតឆ្នាំ២០១៣ ពាក់ស្លាកលេខ ភ្នំពេញ 1CK-1311 និង ម៉ាក Honda Dream C125 ពណ៌ខ្មៅ ផលិតឆ្នាំ២០២១ ពាក់ស្លាកលេខ ភ្នំពេញ 1IS-9402 ) ។
សមត្ថកិច្ចបានបញ្ជាក់ដំណើរសាច់រឿងឱ្យដឹងថា នៅថ្ងៃកើតហេតុ កម្លាំងផ្នែកជំនាញ បានទទួលព័ត៌មានពីប្រជាពលរដ្ឋថា នៅចំណុចផ្ទះរបស់ឈ្មោះ ឈឺន ផានី មានការប្រមូលផ្តុំគ្នាធ្វើសកម្មភាពជួញដូរ និង ប្រើប្រាស់គ្រឿងញៀន។ ក្រោយពីទទួលបានព័ត៌មានរួចភ្លាម កម្លាំងជំនាញបានសហការជាមួយកម្លាំងប៉ុស្តិ៍នគរបាលរដ្ឋបាលជ្រៃលាស់ និង ឈ្វាំង ចុះទៅដល់ចំណុចកើតហេតុឃើញជនសង្ស័យកំពុងជួបជុំគ្នាធ្វើសកម្មភាពជួញដូរគ្រឿងញៀន ក៏បានធ្វើការបង្ក្រាបចាប់ឃាត់ខ្លួនបានជនសង្ស័យចំនួន ៣នាក់ និងចាប់យកវត្ថុតាងមានក្នុងចំណុចគោលដៅទី១ ខាងលើ ។ ដោយផ្តើមចេញពីចម្លើយសារភាពរបស់ជនសង្ស័យឈ្មោះ ង៉ែត យូឡុង កម្លាំងជំនាញបន្តនីតិវិធីស្រាវជ្រាវ តាមបង្ក្រាបចាប់ឃាត់ខ្លួនបានជនសង្ស័យចំនួន ២នាក់ទៀត និង ចាប់យកវត្ថុតាង មានដូច ក្នុងចំណុចគោលដៅទី២ ខាងលើ ។
នៅចំពោះមុខសមត្ថកិច្ចជនសង្ស័យឈ្មោះ ង៉ែត យូឡុង បានសារភាពថា ថ្នាំញៀនដែលខ្លួនយកមកជួញដូរនេះ គឺទិញពីឈ្មោះ សុខ គឹមសាក់ ភេទស្រី នៅភូមិស្លែង ឃុំជ្រៃលាស់ ស្រុកពញាឮ ខេត្តកណ្តាល ។ ដោយទិញម្តងៗពី ៣០មុឺនរៀល និង ១០០$ យកមករំលែកលក់បន្ត ពេលដែលលក់អស់ទើបទៅទិញទៀត ។
ចំណែកជនសង្ស័យឈ្មោះសុខលី ឆវ័ន្ត ហៅ សាត វណ្ណឌី ហៅឌី បានសារភាពនៅចំពោះមុខសមត្ថកិច្ចថាថ្នាំញៀនដែលខ្លួនទិញមកនេះគឺក្នុងអំឡុងថ្ងៃទី៥ ខែកញ្ញា ឆ្នាំ២០២១ ចំនួន ១០ដុំ ស្មើនឹង១គីឡូក្រាម តម្លៃ ៥.៥០០$ ទិញពីឈ្មោះ ស្រីនាង ភេទស្រី និង ឈ្មោះ វីត ភេទប្រុស នៅខេត្តសៀមរាប ដែលបម្រើការងារតាមក្លឹបកំសាន្ត ដោយយកមកលក់ក្នុង១ដុំ (ប្រហែល១ខាំ) តម្លៃ១.៣០០$ ( មួយពាន់បីរយដុល្លា) លក់អោយទៅឈ្មោះ ង៉ែត យូឡុង បានចំនួន ៣-៤លើកមកហើយ។
បច្ចុប្បន្នជនសង្ស័យទាំងអស់រួមទាំងវត្ថុតាងត្រូវបានកម្លាំងជំនាញធ្វើការកសាងសំណុំរឿងដើម្បីបញ្ជូនទៅកាន់សាលាដំបូងខេត្តចាត់ការតាមនីតិវិធី៕

ដោយ ៖ ស សម