ខេត្តបន្ទាយមានជ័យ ៖ ពលករឆ្លងដែនខុសច្បាប់ ត្រូវបានកម្លាំងកងការពារព្រំដែនលេខ៥០៣ ឃាត់ខ្លួនបាន ២ករណី ចំនួន២៦នាក់ខណៈដែលពួកគេកំពុងត្រូវបានដឹកនាំឆ្លងដែនទៅប្រទេសថៃ ។
ករណីនេះកើតឡើងនៅថ្ងៃទី១៦ ខែកញ្ញា ឆ្នាំ២០២១ វេលាម៉ោង ១២:០៥នាទី រហូតដល់ ម៉ោង ១៦:០០នាទី
ករណីទី១ ឃាត់បានចំនួន ១៦នាក់ ក្នុងនោះស្រី ៩នាក់ ក្មេង ១នាក់ រថយន្ត ២គ្រឿង ១ម៉ាកកាម៉ារីពណ៌ខ្មៅ ពាក់ស្លាកលេខ ពោធិ៍សាត់ 2A 0206 ម្ចាស់រថយន្តគេចខ្លួនបាត់ ២ម៉ាកកាម៉ារីពណ៌ខៀវ ពាក់ស្លាកលេខ កំពុងចាម 2A 0521 ម្ចាស់រថយន្តពីរនាក់ប្តីប្រពន្ធ ចំណែកម្ចាស់ និងរថយន្ត បានប្រគល់ជូនកងរាជអាវុធហត្ថខេត្តបន្ទាយមានជ័យ ។
ករណីទី២ ឃាត់បានចំនួន ១០នាក់ ក្នុងនោះស្រី ២នាក់ ក្មេង ១នាក់ គោយន្តកន្ត្រៃ ១គ្រឿង និងម្ចាស់ប្រគល់ជូនកងរាជអាវុធហត្ថខេត្តបន្ទាយមានជ័យ ចំណែកគោយន្តរក្សាទុកនៅអង្គភាព។ ហើយឃាត់ខ្លួនបានត្រង់ភូមិសាស្ត្រភូមិចក់ពួក ឃុំស្លក្រាម ស្រុកស្វាយចេក ខេត្តបន្ទាយមានជ័យ ។

ក្រោមការយកចិត្តទុកដាក់ដឹកនាំបញ្ជារផ្ទាល់របស់លោកឧត្តមសេនីយ៍ត្រី ឃួន ជឿន មេបញ្ជាការកងការពារព្រំដែនលេខ៥០៣ ចាត់តាំង លោកវរសេនីយ៍ទោ លេ លឿត មេបញ្ជាការរងកងការពារព្រំដែនលេខ៥០៣ ដឹកនាំកម្លាំងចំនួន ២៥នាក់ ល្បាតនិងពួនស្ទាក់ចាប់បានពលករលួចឆ្លងដែនខុសច្បាប់ លោកបានដឹកនាំកម្លាំងល្បាត២៤ម៉ោងលើ២៤ម៉ោង ដោយប្តូរវេនគ្នា ដើម្បីទប់ស្កាត់ពលករលួចឆ្លងដែនខុសច្បាប់ និងទប់ស្កាត់ការឆ្លងរាលដាល នៃជំងឺកូវីដ-១៩ មិនឲ្យចូលទៅក្នុងសហគមន៍។
ចំណែកឯពលករទាំង ២៦នាក់ ត្រូវបានបញ្ជូនទៅក្រុមការងារនៅច្រកអូរបីជាន់ដើម្បីមានចំណាត់ការបន្ត៕

ដោយ ៖ ស សម