ខេត្តកំពង់ចាម៖ លោក អ៊ុន ចាន់ដា អភិបាអភិបាលនៃគណៈអភិបាលខេត្តកំពង់ចាម និងលោកស្រី លោក ខ្លូត ផន ប្រធានក្រុមប្រឹក្សាខេត្ត រួមនឹងថ្នាក់ដឹកនាំ មន្ត្រីរាជការក្នុងខេត្តកំពង់ចាម និងដោយមាន អញ្ជើញចូលរួមពីលោក លោកស្រី អ្នកតំណាងរាស្ត្រមណ្ឌលកំពង់ចាម នៅព្រឹកទី២៣ ខែកញ្ញា ឆ្នាំ២០២១ បានអញ្ជើញចូលរួមកាន់បិណ្ឌវេនទី២ នៅវត្តសន្ឋររង្សី (វត្តត្រើយព្រែក) ស្ថិតនៅឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។
បើតាមការបញ្ជាក់ពីរដ្ឋបាលខេត្តកំពង់ចាម បានឱ្យដឹងថា ការកាន់បិណ្ឌវេនទី២ នៅវត្តសន្ឋររង្សី (វត្តត្រើយព្រែក) ស្ថិតនៅឃុំខ្ពបតាងួន ស្រុកស្ទឹងត្រង់នេះ គឺដើម្បីធ្វើការឧទ្ទិសមគ្គផល កុសលផលបុណ្យជូនមាតា បិតា ញាតិកាទាំងប្រាំពីរសន្តាន -ក៏ដូចជាអតីតយុទ្ធជនស្នេហាជាតិ និងអ្នកស្លាប់ដោដោយសារជំងឺកូវីដ-១៩ សូមឲ្យវិញ្ញាណក្ខន្ធរបស់ពួកគាត់ មកទទួលយកកុសលផលបុណ្យ និងបានទៅកើតក្នុង សុគតិភពកុំបីឃ្លៀងឃ្លាតឡើយ ។
ជាមួយគ្នានេះ រដ្ឋបាលខេត្ត សូមឱ្យពុទ្ធបរស័ទទាំងអស់ដែលមកកាន់បិណ្ឌ តាមវត្តអារាមនានាៗ ត្រូវមានការប្រុងប្រយ័ត្នខ្ពស់ជាប់ជានិច្ច ដោយត្រូវចូលរួមអនុវត្តទៅតាមវិធានការរបស់ក្រសួងសុខាភិបាល និងវិធានការរបស់ប្រមុខរាជរដ្ឋាភិបាលគឺ «៣ ការពារ និង ៣កុំ»៕
ដោយ៖សហការី
