ភ្នំពេញ៖ យោងតាមរបាយការណ៍របស់អធិការនគរបាលខណ្ឌសែនសុខនៅ ថ្ងៃទី១៨ ខែតុលា ឆ្នាំ២០២១ ម៉ោង១៧ និង០៥នាទី ប៉ុស្តិ៍នគរបាលរដ្ឋបាលអូរបែកក្អម ឃាត់ខ្លួនជនសង្ស័យ ០១នាក់ ករណីលួចខ្សែក(ប្រើដៃទាញយកខ្សែកពីកក្មេងប្រុស) នៅចំណុចមុខផ្ទះសង់ថ្មី គ្មានលេខផ្លូវបេតុង ភូមិទ្រុងមាន់ សង្កាត់អូរបែកក្អម ខណ្ឌសែនសុខ បង្កដោយជនសង្ស័យ០២នាក់ (គេចខ្លួន០១នាក់ឈ្មោះផល) មធ្យោបាយម៉ូតូ០១គ្រឿង ។ ជនសង្ស័យ០១នាក់ ឈ្មោះ សុខ មាស (មាស) ភេទប្រុស អាយុ៣២ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិប៉ប្រកខាងជើង សង្កាត់កាកាប១ ខណ្ឌពោធិ៍សែនជ័យ (គ្មានសារធាតុញៀន) បានប្រើដៃចាប់ទាញយកខ្សែកផ្លាកទីនពីករបសើក្មេងប្រុសរងគ្រោះឈ្មោះ ចាន់ សុខចំរើន ភេទប្រុស អាយុ០៥ឆ្នាំ ជនជាតិខ្មែរ មុខរបរកុមារ ស្នាក់នៅផ្ទះសង់ថ្មីគ្មានលេខ ផ្លូវបេតុង ភូមិទ្រុងមាន់ សង្កាត់អូរបែកក្អម ខណ្ឌសែនសុខ ។ សម្ភារៈបាត់បង់៖ ខ្សែកផ្លាកទីន០១ខ្សែ(តម្លៃ២៥០ដុល្លា) , សម្ភារន្សល់ទុក៖ ម៉ូតូ០១គ្រឿងម៉ាកស្មាស់ ពណ៌ទឹកប្រាក់ ពាក់ស្លាកលេខព្រៃវែង1J-7792របស់ជនសង្ស័យ ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីច្បាប់៕

ដោយ៖ ចន្ទ លីហ្សា