ភ្នំពេញ៖ ជនសង្ស័យម្នាក់ត្រូវសន្តិសុខឯកជនចាប់ប្រគល់ឲ្យសមត្ថកិច្ចអាវុធហត្ថខណ្ឌសែនសុខក្រោយពីធ្វើសកម្មភាពលួចយកសម្ភារសម្រាប់ផ្សាដែកចេញពីក្រុមហ៊ុន។

ករណីឃាត់ខ្លួនជនសង្ស័យនេះបានធ្វើឡើងនៅវេលាម៉ោង១៧ និង៣០នាទីថ្ងៃទី៥ ខែមេសា ឆ្នាំ២០១៦ នៅក្នងបុុរីអរគីដេ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។

មន្ត្រីអាវុធហត្ថខណ្ឌសែនសុខបានឲ្យដឹងថា ជនសង្សយ័ឈ្មោះ ឌី ស្រៀន ភេទប្រុស អាយុ៣៤ឆ្នាំ មុខរបរមិនពិតប្រាកដ ស្នាក់នៅមិនពិតប្រាកដ និងមានស្រុកកំណើត ភូមិព្រាល ឃុំកញ្ចៀច ស្រុកកំចាយមា ខេត្តព្រៃវែង។ ចំណែកតំណាងរបស់បុរីអរ័គីដេ ដែលជាដើមបណ្តឹងមានឈ្មោះខាន់ សាវុធ ភេទប្រុស អាយុ៤៣ឆ្នាំ មុខរបរសន្តិសុខបុរីអរ័គីដេ ស្នាក់នៅភូមិចោមចៅ សង្កាត់ចោមចៅ ខណ្ឌពោធិសែនជ័យ។

ប្រភពពីមន្ត្រីអាវុធហត្ថបានប្រាប់ឲ្យដឹងថានៅ មុនពេលកើតហេតុពេលដែលកម្មករចេញពីធ្វើការក្នុងបុរីអរ័គីដេហើយនៅពេលកំពុងតែឆែកកម្មករនោះសន្តិសុខក៏បានឃើញជនសង្ស័យខាងលើបានលីបេដែលគេលួចសម្ភារបានហើយដើម្បីយកចេញមានការសង្ស័យសន្តិសុខក៏បានឃាត់ខ្លួនឆែកមើលស្រាប់តែឃើញមានម៉ូទ័រឆាប០១ ម៉ូទ័រស្វានបុក០១ ប៉ូសផ្សា០១ និងខ្សែភ្លើងមួយចំនួនទៀតក៏ឃាត់ខ្លួននិងរាយការណ៍ទៅកម្លាំងអាវុធហត្ថតែម្តង។

បច្ចុប្បន្នជនសង្ស័យកម្លាំងបានឃាត់ខ្លួនយកមកមូលដ្ឋានកងរាជអាវុធហត្ថខណ្ឌសែនសុខ ដើម្បីសាកសួរនិងកសាងសំណុំរឿងបញ្ជូនជនសង្ស័យទៅការិយាល័យព្រហ្មទណ្ឌក្រុងចាត់ការបន្ត៕

ដោយ៖ តុង សីហា