ខេត្តកំពង់ស្ពឺ៖ ស្ត្រីម្នាក់បានស្លាប់យ៉ាងអណោចអធម៌ពេលបញ្ជូនទៅសង្គ្រោះនៅមន្ទីរពេទ្យបន្ទាប់ពីភ្ញៀវខាងកូនកំលោះនិងភ្ញៀវខាងកូនក្រមុំរាំជាន់ជើងគ្នាកើតជាជម្លោះគប់ចាន់គប់កែវ និងកាំបិតទៅត្រូវស្ត្រីរងគ្រោះដែលមិនដឹងអីកំពុងអង្គុយហូបការ។
ករណីខាងលើនេះបានកើតឡើងនៅវេលាម៉ោង២១ថ្ងៃទី៥ ខែមេសា ឆ្នាំ២០១៦ នៅភូមិស្តៅអែម ឃុំក្រាំងចេក ស្រុកឧដ្ដុង្គ ខេត្តកំពង់ស្ពឺ។
Kindle e-reader ល្អបំផុតក្នុងការអានសៀវភៅបង្កើតគំនិត
មន្ត្រីនគរបាលស្រុកឧដ្តុង្គបានឲ្យដឹងថា ស្ត្រីរងគ្រោះឈ្មោះសែស ស្រីដើង អាយុ៣៤ឆ្នាំ រស់នៅភូមិក្រាំងស្លែង ឃុំព្រៃក្រសាំង ស្រុកឧដ្ដុង្គ ខេត្តកំពង់ស្ពឺ។ មន្ត្រីនគរបាលដដែលបានឲ្យដឹងទៀតថា ស្ត្រីរងគ្រោះបានរងរបួសដាច់បំពង់ក ដោយស្នាមកាំបិតប័ងតោ ហើយបានស្លាប់នៅពេលបញ្ជូនទៅកាន់មន្ទីរពេទ្យ។
បើតាមសាក្សីភ្ញៀវដែលបានទៅចូលរួមពិធីមង្គលការកូនអ្នកភូមិស្តៅអែមបានឲ្យដឹងថា នៅវេលម៉ោងកើតហេតុមានភ្ញៀវខ្លះកំពុងអង្គុយពិសារអាហារ និងភ្ញៀវខ្លះទៀតទាំងភ្ញៀវកូនកំលោះនិងកូនក្រមុំបាននាំគ្នាឡើងរាំយ៉ាងសប្បាយតែក្នុងអាការៈស្រវឹងរៀងៗខ្លួន។ លុះនៅម៉ោង៩យប់មិនដឹងថាមានរឿងអ្វីកើតឡើងនោះទេតែគេសង្ស័យថា អាចរាំជាន់ជើងគ្នាស្រាប់តែបងប្អូនកូនកំលោះ-កូនក្រមុំកើតជម្លោះឡើងរហូតមានអ្នកខ្លះទាញកែវចាន់ និងកាំបិតគប់គ្នាទៅវិញទៅមកពេញរោងការធ្វើឲ្យភ្ញៀវមួយចំនួនរត់ចែកជើងគ្នាខ្លះភ្លេច និងខ្លះទៀតមិនទាន់ចងដៃទៀតផង។
បើតាមអ្នកភូមិស្តៅអែមឲ្យដឹងនៅព្រឹកថ្ងៃទី៦ខែមេសាថា ស្ត្រីរងគ្រោះនិងផ្ទះពិធីមង្គលការនៅភូមិជិតគ្នា ហើយរោងពិធីមង្គលការបានចាប់ផ្តើមរុះស្របពេលដែលអ្នកមកចូលរួមគឺគ្រួសារស្ត្រីរោងគ្រោះដែលស្លាប់ចាប់ផ្តើមសង់រោងបុណ្យ។
ទាក់ទិននិងករណីភ្ញៀវកូនកំលោះនិងភ្ញៀវកូនក្រមុំឈ្លោះប្រកែកគ្នារហូតមានអំពើហិង្សាគប់គ្នាបណ្តាលឲ្យចំភ្ញៀវទៅចូលរួមពិធីបង្គលការស្លាប់នេះ នគរបាលស្រុកឧដ្ដុង្គបានឲ្យដឹងថា ជនសង្ស័យដែលកើតមានជម្លោះហើយគប់គ្នាបណ្តាលឲ្យស្ត្រីរងគ្រោះស្លាប់ សមត្ថកិច្ចបានកំណត់មុខសញ្ញាជនសង្ស័យអស់ហើយ ហើយរងចាំតែការចាប់ខ្លួនមកសាកសួរប៉ុណ្ណោះ។
គួរបញ្ជាក់ថា ករណីមានពិធីមង្គលការ បុណ្យភូមិឬហៅថាបុណ្យដាលាន និងពិធីផ្សេងៗទៀតឲ្យតែមានធុងបាស់រាំភាគច្រើនតែងតែមានការកាប់ចាក់គ្នាស្លាប់របួសជាបន្តបន្ទាប់ ពិសេសនៅតាមស្រុកភូមិនៃបណ្តាលខេត្តផ្សេងៗ។ អ្នកមានកម្មវិធីតែងតែមានការបារម្មជាខ្លាំងហើយម្ចាស់កម្មវិធីខ្លះត្រូវបង្ខំចិត្តស្នើរសមត្ថកិច្ចមូលដ្ឋានមកការពារទៀតផងខុសពីទស្សវត្សមុនៗឲ្យតែមានកម្មវិធីផ្សេងៗគេសប្បាយអស់ទាស់៕
ដោយ៖ សេនាស័ក្តិ
