ក្រុងប៉ោយប៉ែត៖ ប្រជាពលរដ្ឋខ្មែរ ប្រុស ស្រី ចំនួន៣៤នាក់ ក្នុងនោះមានក្មេងចំនួន០៣នាក់ បានចាញ់បោកមេខ្យល់លួចឆ្លងដែនចូលទៅទឹកដីថៃដោយខុសច្បាប់ ត្រូវបានទាហានថៃឈុតខ្មៅលេខ(១៣.០២) ឃាត់បាននៅចំណុចភូមិថាប់ភិក ឃុំថាប់ភិក ស្រុកអារញ្ញ ខេត្តស្រះកែវ ។លោក ប៊ុន គុន នាយប៉ុស្តិ៍ការពារព្រំដែនចំបក់ បានឲ្យដឹងថា៖ នៅវេលាម៉ោង០៤ថ្ងៃទី០៤ខែវិច្ឆិកា ឆ្នាំ២០២១ ពេលលោកដឹកនាំកម្លាំងល្បាតក្នុងភូមិសាស្ត្រព្រំដែនដែលទទួលខុសត្រូវ បានប្រទះឃើញប្រជាពលរដ្ឋខ្មែរលួចឆ្លងដែនទៅប្រទេសថៃខុសច្បាប់(ឆ្លងដល់មាត់អូរដីថៃ) ។បន្ទាប់មកកម្លាំងយើងបានផ្តល់ព័ត៌មានដល់ទាហានឈុតខ្មៅថៃ (១៣.០២) ដែលឈរជើងទល់មុខឱ្យជួយសហការទប់ស្កាត់ ប្រជាពលរដ្ឋទាំងនោះ ។
លោកនាយប៉ុស្តិ៍បានបញ្ជាក់ថា៖នៅវេលាម៉ោង០៦ព្រឹកថ្ងៃទី០៥ ខែវិច្ឆិកា ឆ្នាំ២០២១ ខាងទា ហានឈុតខ្មៅថៃ (១៣.០២) បានផ្តល់ព័ត៌មានថា ប្រជាពលរដ្ឋខ្មែរដែលត្រូវបានឃាត់មានចំនួន៣៤នាក់ ស្រី ១៧នាក់ កុមារ០៣នាក់ ។ការឃាត់ខ្លួននេះធ្វើឡើងនៅចំណុច នៅចំណុចភូមិថាប់ភិក ឃុំថាប់ភិក ស្រុកអារញ្ញ ។បច្ចុប្បន្នប្រជាពលរដ្ឋទាំងនោះ បានបញ្ជូនទៅអធិការដ្ឋាននរបាលក្លងណាំសៃ ដើម្បីមានវិធានការបន្ត ៕
ដោយ៖ វណ្ណា
