ខេត្តក្រចេះ៖ កម្លាំងនគរបាលក្រុងក្រចេះ បានធ្វេីការឃាត់ខ្លួនជនសង្ស័យពីរក្រុមចំនួន០៨នាក់ក្នុងនោះមានស្រីម្នាក់ផងដែរក្នុងករណីហិង្សាដោយចេតនាស្ថានទម្ងន់ទោសដែលប្រើជំពាមកៅស៊ូ.ដុំឥដ្ឋនិងខ្សែរក្រវាត់ដេញបាញ់.វាយនិងគប់គ្នាពេញផ្លូវបង្ករការភ័យខ្លាចរំខានដល់មហាជនអ្នកស្រុកនិងធ្វើដំណើរលើដងផ្លូវកសាងសំនុំរឿងចាត់ការតាមនិតិវិធី។
ការឃាត់ខ្លួននោះសមត្ថកិច្ចបានធ្វើឡើងភ្លាមៗបន្ទាប់ពីកើតហេតុទាំងពីរក្រុមបាន
ប្រព្រឹត្តនៅ ចន្លោះម៉ោង២០.០០នាទីថ្ងៃទី០៤ខែវិច្ឆិកាឆ្នាំ២០២១ត្រង់ចំណុចបឹងហ្គាឡូ ស្ថិតក្នុងភូមិក្រចេះ សង្កាត់.ក្រុងក្រចេះខេត្តក្រចេះ។
ដែលជនសង្ស័យទាំងពីរក្រុមមានទីលំនៅភូមិថ្មគ្រែលេី ឃុំថ្មគ្រែ ស្រុកចិត្របុរី ខេត្តក្រចេះ។
ក្នុងនោះឃាត់ខ្លួនបានរួមមានជនសង្ស័យក្មេងស្ទាវក្រុមទី១ មាន:
ទី១-ឈ្មោះ ចាន់ វាសនា ភេទប្រុស អាយុ ១៩ឆ្នាំ មានទីលំនៅភូមិអូរឬស្សី២ សង្កាត់អូរឫស្សី ក្រុងក្រចេះ ខេត្តក្រចេះ។
ទី២-ឈ្មោះ ញ៉ឹម ពុត្ថា ហៅម៉ៅ ភេទប្រុស អាយុ ១៨ឆ្នាំ មានទីលំនៅភូមិអូរឬស្សី១ សង្កាត់អូរឫស្សី ក្រុងក្រចេះ ខេត្តក្រចេះ។
ទី៣-ឈ្មោះ ឈុន រុងរឿង ហៅវី ភេទប្រុស អាយុ ១៧ឆ្នាំ មានទីលំនៅភូមិស្រែស្តៅ សង្កាត់អូរឫស្សី ក្រុងក្រចេះ ខេត្តក្រចេះ។
និងបក្ខពួកពីរនាត់ទៀតរត់គេចខ្លួនកំពុងស្រាវជ្រាវអត្តសញ្ញាណ។
ឯក្រុមទី២មាន:
ទី១-ឈ្មោះ លូត លុច ភេទប្រុស អាយុ ១៦ឆ្នាំ មានទីលំនៅភូមិត្រូន ឃុំក្បាលដំរី ស្រុកសំបូរខេត្តក្រចេះ។
ទី២-ឈ្មោះ តាំង វ៉ាន់ឌី ភេទប្រុស អាយុ ២៦ឆ្នាំ មានទីលំនៅភូមិចង្ហប ឃុំក្បាលដំរី ស្រុកសំបូរ ខេត្តក្រចេះ។
ទី៣-ឈ្មោះ អេត សុខន ភេទប្រុស អាយុ ២០ឆ្នាំ មានទីលំនៅភូមិជេីងពាត ឃុំសំបូរ ស្រុកសំបូរ ខេត្តក្រចេះ។
ទី៤-ឈ្មោះ ម៉ៃ ម៉ាឡែត ភេទប្រុស អាយុ ១៩ឆ្នាំ ។
ទី៥-ឈ្មោះ ម៉ៃ ម៉ាឡេ ភេទប្រុស អាយុ ២១ឆ្នាំ។
ប្រភពពីសមត្ថកិច្ចថាក្មេងស្ទាវក្រុមទី១បានជិះម៉ូតូដេញតាមក្មេងស្ទាវក្រុមទី២មកដល់ចំណុចបឹងហ្គាឡូ ស្រាប់តែក្មេងស្ទាវក្រុមទី១យកជំពាមកៅស៊ូបាញ់ទៅលេីក្មេងស្ទាវក្រុមទី២ ភ្លាមៗនោះដែរក្មេងស្ទាវក្រុមទី២បានកាន់ខ្សែក្រវ៉ាត់ និងគប់ដុំថ្មទៅលេីក្មេងស្ទាវក្រុមទី១វិញ ននិងបានជិះម៉ូតូដេញតាមវាយគ្នារហូតដល់ចំណុចទំនប់ហើយក្មេងស្ទាវក្រុមទី១រត់ចូលក្នុងតូបលក់ឥវ៉ាន់ឱ្យគេជួយ ស្រាប់តែក្មេងស្ទាវក្រុមទី២ចចូលទៅតាមវាយបណ្តាលឱ្យរងរបួស។
ភ្លាមៗនោះសមត្ថកិច្ចបានចុះអន្តរាគមន៍ និងចាប់ឃាត់ខ្លួនជនសង្ស័យភ្លាមៗតែម្តង ននិងដកហូតបានម៉ូតូចំនួន០៣គ្រឿង, ទូរសព័ព្ទចំនួន០៦គ្រឿង, ជំពាមកៅស៊ូចំនួន០១ និងដុំឥដ្ឋចំនួន០២កំណាត់។
បច្ចុប្បន្នជនសង្ស័យ និងវត្ថុតាងខាងលេីកំពុងឃាត់ខ្លួន និងរក្សាទុកជាបណ្តោះអាសន្ននៅអធិការដ្ឋាននគរបាលក្រុងក្រចេះ ដើម្បីបំពេញនីតិវិធីចាត់ការតាមច្បាប់៕
ដោយ៖ ជីវ័ន្ត
