ខេត្តព្រះវិហារ៖ សិប្បកម្មកែច្នៃឈើខុសច្បាប់ពីរកន្លែងត្រូវបាន
កម្លាំងខណ្ឌរដ្ឋបាលព្រៃឈើព្រះវិហារ ចុះបង្ក្រាប សិប្បកម្ម កាលពីរសៀលថ្ងៃទី២៧ខែវិច្ឆិកា ឆ្នាំ២០២១ ស្ថិតនៅភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ ។
មន្រ្តីខណ្ឌរដ្ឋបាលព្រៃឈើព្រះវិហារ បបានឲ្យដឹងថា រាល់ការដឹកជញ្ជូនឈើ ឬក៏ទីតាំងសិប្បកម្មកែច្នៃឈើ ដែលមិនមានច្បាប់អនុញ្ញាត គឺត្រូវតែបង្ក្រាប មិនលើកលែង ជាដាច់ខាត។ ចំណែកនាយខណ្ឌរដ្ឋបាលព្រៃឈើ បបានឱ្យដឹងដែរថាពេលនេះលោកត្រូវបានប្រជាពលរដ្ឋរាយការណ៍ពីសកម្មភាពលួចបើកសិប្បកម្មកែច្នៃខុសច្បាប់ លោកក៏ដឹកនាំកម្លាំង ផ្នែក និងសង្កាត់ រដ្ឋបាលព្រៃឈើ សហការជាមួយ នគរបាលប៉ុស្តិ៍រដ្ឋបាលមរកត ចុះបង្ក្រាបទីតាំងសិប្បកម្ម កែច្នៃឈើ អនាធិបតេយ្យ អត់ច្បាប់ចំនួន ២ កន្លែងនេះ។
លោកនាយផ្នែកបានឲ្យដឹងទៀតថាជាលទ្ធផល ក្នុងកាចុះបង្ក្រាបទីតាំងសិប្បកម្ម អត់ច្បាប់ខាងលើនោះសមត្ថកិច្ចជំនាញ បានដកហូតវត្ថុតាង មានម៉ាស៊ីន, តាបម៉ូទ័រឈួស រួមនឹងឈើមួយចំនួនធំ ឯម្ចាស់សិប្បកម្មនិងកម្មករដឹងខ្លួនមុនរត់គេចខ្លូនបាត់អស់។ ចំពោះវត្ថុតាង រួមនឹងឈើអារច្រៀកជាច្រើនម៉ែត្រគូបត្រូវបានមន្ត្រី ដឹកយកទៅរក្សាទុក នៅផ្នែករដ្ឋបាលព្រៃឈើជាំក្សាន្ត ដើម្បីកសាងសំណុំរឿង ចាត់ការបន្តតាមនីតិវិធី ៕
ដោយ÷ប្រាថ្នា
