ភ្នំពេញ៖ មានករណីជនសង្ស័យ៩នាក់បានប្រើហិង្សាកាប់ជនរងគ្រោះបណ្តាលឲ្យរងរបួសជាទម្ងន់ត្រូវយកទៅសម្រាកព្យាបាលនៅមន្ទីរពេទ្យកាលម៉ែតកាលពីថ្ងៃទី២៨ខែវិច្ឆិកាឆ្នាំ២០២១ វេលាម៉ោង២០ៈ០០នាទីយប់ នៅចំណុចផ្លូវលេខ៩៣ ក្រុម១៥ ភូមិចុងខ្សាច់ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។ ដើមបណ្តឹងឈ្មោះសេង ខួច ភេទស្រីអាយុ៥៥ឆ្នាំ មុខរបរនៅផ្ទះ ស្នាក់នៅផ្ទះលេខ៥៨៧ ផ្លូវបេតុង ក្រុម១៥ សង្កាត់ទួលសង្កែទី១ ខណ្ឌឫស្សីកែវ(ត្រូវជាម្តាយ)។ ជនរងគ្រោះឈ្មោះវឿង ចិត្រា ភេទប្រុសអាយុ២៣ឆ្នាំ សិស្សសាលាសន្ធរម៉ុកស្នាក់នៅជាមួយម្តាយ(រងរបួសខ្នង៣កាំបិត+ក្បាល២កាំបិត បច្ចុប្បន្នសម្រាកព្យាបាលនៅមន្ទីរពេទ្យកាល់ម៉ែត(សង្គ្រោះបន្ទាន់)។ចំណែកជនសង្ស័យមានឈ្មោះ ១-ឈ្មោះសា រឿនរក្សា អាយុ១៨ឆ្នាំ មុខរបរសិស្សសាលាពាមឧកញាអុងស្នាក់នៅភូមិលើកដែក ស្រុកល្វាឯមខេត្តកណ្តាល(មានសារធាតុញៀន)អវិជ្ជមានកូវីដ។
២-ឈ្មោះប្រាជ្ញ ថាវិរៈ ភេទប្រុសអាយុ១៨ឆ្នាំ សិស្សសាលាចតុម្មុខស្នាក់នៅផ្ទះជួល ផ្លូវលំ សង្កាត់ទន្លេបាសាក់ ខណ្ឌចំការមន(មានសារធាតុញៀន)អវិជ្ជមានកូវីដ។
៣-ឈ្មោះសែម វិរៈឆ័យយុទ្ធ ភេទប្រុសអាយុ១៨ឆ្នាំ មុខរបរនៅផ្ទះ ស្នាក់នៅផ្លូវបេតុង ភូមិ១ សង្កាត់ជ្រោយចង្វា ខណ្ឌជ្រោយចង្វា(គ្មានសារធាតុញៀន)អវិជ្ជមានកូវីដ។
៤-ឈ្មោះសឿន សុខឡា ភេទប្រុសអាយុ១៨ឆ្នាំ មុខរបរកម្មករ ស្នាក់នៅផ្លូវបេតុង ភូមិដើមគ សង្កាត់ជ្រោយចង្វា(មានសារធាតុញៀន)អវិជ្ជមានកូវីដ។
៥-ឈ្មោះជឿន ជីវន័្ត ភេទប្រុសអាយុ១៨ឆ្នាំ មុខរបរកម្មករ ស្នាក់នៅផ្ទះជួលម្តុំរង្វង់មូលកាំកូសុីធី សង្កាត់បឹងកក់២ ខណ្ឌទួលគោក(មានសារធាតុញៀន)អវិជ្ជមានកូវីដ។
៦-ឈ្មោះវឿន វណ្ណៈ ភេទប្រុសអាយុ១៨ឆ្នាំ មុខរបរនៅផ្ទះ ស្នាក់នៅភូមិព្រែកអញ្ចាញ ស្រុកមុខកំពូលខេត្តកណ្តាល(មានសារធាតុញៀន)អវិជ្ជមានកូវីដ។
៧-ឈ្មោះសំណាង ចំណាន ភេទប្រុសអាយុ១៨ឆ្នាំ មុខរបរសិស្សសាលាទួលទំពូង ស្នាក់នៅផ្ទះពុំស្គាល់លេខ ផ្លូវលេខ៣៤៨ សង្កាត់បឹងកេងកង៣ ខណ្ឌបឹងកេងកង(មានសារធាតុញៀន)អវិជ្ជមានកូវីដ។
៨-ឈ្មោះសិត បញ្ចបាន ភេទប្រុសអាយុ១៨ឆ្នាំ មុខរបរនៅផ្ទះ ស្នាក់នៅផ្ទះតាមផ្លូវបេតុង ក្រុម២ ភូមិត្នោតជ្រំ សង្កាត់បឹងទំពុន ខណ្ឌមានជ័យ(មានសារធាតុញន)អវិជ្ជមានកូវីដ។
៩-ឈ្មោះយឹង កុកម៉េង ភេទប្រុសអាយុ១៨ឆ្នាំ សិស្សសាលាយុគន្ធរស្នាក់នៅផ្ទះលេខ៤៨៨ ផ្លូវលេខ២៨៨ ភូមិ៥ សង្កាត់បឹងកេងកង២ ខណ្ឌបឹងកេងកង(គ្មានសារធាតុញៀន)អវិជ្ជមានកូវីដ។ សម្ភារដកហូតរួមមានដូចជា
១-កាំបិតបុ័ងតោ២ដើម
២-ដាវ១ដើម
៣-ច្រវាក់១ខ្សែ
៤-ម៉ូតូ៣គ្រឿងក្នុងនោះមានម៉ូតូហុងដាឌ្រីមC125មួយគ្រឿងពាក់ស្លាកលេខភ្នំពេញ1IG-1266, ម៉ូតូនិច ពណ៌ស១គ្រឿងពាក់ស្លាកលេខកច1X-2089, ម៉ូតូឌ្រីមC125 ពណ៌ក្រហមគ្មានស្លាកលេខ១គ្រឿង។ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានប្រាប់ឱ្យដឹងថា នៅថ្ងៃ ខែ ឆ្នាំខាងលើជនរងគ្រោះកំពុងអង្គុយហូបកាហ្វេនៅផ្ទះល្វែងកន្លែងកើតហេតុខាងលើក៏មានជនសង្ស័យ១ក្រុមជិះម៉ូតូ៥-៦គ្រឿងមានគ្នា១២នាក់ប្រដាប់ដោយកាំបិតបុ័ងតោ+ដាវ+ច្រវាក់បានចុះពីលើម៉ូតូដេញកាប់ជនរងគ្រោះបណ្តាលឱ្យរងរបួសក្បាលនិងខ្នងជាទម្ងន់ រួចក៏ក្រុមគ្រួសារបញ្ជូនទៅមន្ទីរពេទ្យកាលម៉ែត រីឯជនសង្ស័យក៏គេចខ្លួនបាត់អស់។បន្ទាប់ពីទទួលបានព័ត៌មានខាងលើភ្លាមកម្លាំងជំនាញខណ្ឌ+ប៉ុស្តិ៍បើកការស្រាវជ្រាវឈានទៅឃាត់ខ្លួនជនសង្ស័យ៩នាក់ខាងលើនៅចំណុចបន្ទប់ជួលលេខ៨ ភូមិដើមគ សង្កាត់ជ្រោយចង្វា ខណ្ឌជ្រោយចង្វានៅថ្ងៃទី២៩ខែ១១ឆ្នាំ២០២១ម៉ោង២ៈ០០នាទីយប់។ចំពោះមុខ កម្លាំងអធិការដ្ឋានបានធ្វើការស្រាវជ្រាវរកបក្ខពួកបន្ថែម និងកសាងសំណុំរឿងបញ្ជូនតាមនីតិវិធី៕ ដោយ៖ ជីណា
