កីឡាករចំនួន១៣នាក់នៅក្លិបព័រទុយហ្គាល់ Belenenses ដែលការប្រកួតជាមួយក្រុម Benfica ត្រូវបានលុបចោលដ៏គួរឱ្យភ័យខ្លាចកាលពីថ្ងៃសៅរ៍ដោយកីឡាករទាំង១៣នោះបានធ្វើតេស្តវិជ្ជមានវីរុសបំប្លែងថ្មី Omicron ដែលគិតគូរគ្រប់ករណីទាំងអស់នៅក្នុងប្រទេសនេះ។
ការផ្ទុះឡើងនៃ Covid-19 បំប្លែងថ្មីនេះមានន័យថា មានតែកីឡាករក្រុម Belenenses ៩នាក់ប៉ុណ្ណោះដែលចាប់ផ្តើមប្រកួតជាមួយក្រុម Benfica ជាមួយនឹងការប្រកួតត្រូវបានបិទនៅតង់ទី២ នៅពេលដែលមានកីឡាកររបួស ហើយបានកាត់បន្ថយក្រុមរបស់ពួកគេមកត្រឹម៦នាក់។ ករណីនេះត្រូវបានបញ្ជាក់ថា កីឡាករទាំង១៣នាក់មានវិជ្ជមានកូវីដប្រភេទថ្មី Omicron ដែលត្រូវបានរកឃើញដំបូងនៅអាហ្វ្រិកខាងត្បូងកាលពីសប្តាហ៍មុន។
ខ្សែការពារ Cafu Phete ដែលជាកីឡាករម្នាក់ក្នុងចំណោមអ្នកដែលបានធ្វើតេស្តវិជ្ជមាន ថ្មីៗនេះបានត្រលប់មកពីអាហ្វ្រិកខាងត្បូង ដោយបានលេងឱ្យប្រទេសរបស់គាត់អំឡុងពេលសម្រាកអន្តរជាតិ។
អ្នកនាំពាក្យក្លិប Belenenses បាននិយាយថា កីឡាករ និងបុគ្គលិកចំនួន៤៤នាក់កំពុងនៅដាច់ដោយឡែកពីគេ ខណៈដែលអ្នកឆ្លងភាគច្រើនមិនមានរោគសញ្ញា ឬមានរោគសញ្ញាស្រាល។ ក្រុម Belenenses ត្រូវដាក់អ្នកចាំទី Joao Monteiro នៅតំបន់ការពារកំឡុងពេលប្រកួតកាលពីថ្ងៃសៅរ៍ ដោយសារអវត្តមាន។
ទាំងក្រុម Benfica និងក្រុម Belenenses បានរិះគន់លីក និងអគ្គនាយកដ្ឋានសុខភាព (DGS) ចំពោះការមិនបានបិទការប្រកួតភ្លាមៗ។ លីកកំពូលព័រទុយហ្គាល់បានចេញសេចក្តីថ្លែងការណ៍ថា ខ្លួនមិនបានទទួលសំណើផ្លូវការដើម្បីពន្យារពេលការប្រកួតនោះកំពុងស៊ើបអង្កេតថា តើការប្រកួតនេះគោរពតាមច្បាប់សុខភាពដែរឬទេ? អាជ្ញាធរសុខាភិបាលប្រទេសព័រទុយហ្គាល់បាននិយាយថា វាមិនអាស្រ័យលើពួកគេទេក្នុងការពន្យារពេលការប្រកួតនេះគឺអាស្រ័យលើការរឹតបន្តឹងពីការចូលប្រទេស និងវិធានការសុខាភិបាលសម្រាប់ជនបរទេស ៕ (រូបភាព ៖ BBC Sport)
