ខ្សែការពារវ័យ២៨ឆ្នាំរូបនេះបានចូល និងក្រៅក្រុម United ក្រោមការបណ្តេញចេញពីលោក Ole Gunnar Solskjaer ចាប់តាំងពីការមកដល់របស់គាត់ក្នុងខែតុលា ឆ្នាំ២០២០។

កីឡាករ Alex Telles របស់ក្រុមបិសាចក្រហម Manchester United កំពុងត្រូវបានតាមដានដោយក្លិបយក្ស២នៅអ៊ីតាលីគឺ Inter Milan និង AC Milan។ កីឡាកររូបនេះទើបតែបានបង្ហាញខ្លួននៅ Premier League ២លើកប៉ុណ្ណោះក្នុងរដូវកាលនេះ រួមទាំងក្នុងលទ្ធផលស្មើ ១-១ នៅ Chelsea កាលពីថ្ងៃអាទិត្យបន្ទាប់ពីការបណ្តេញចេញរបស់លោក Solskjaer ។

សារព័ត៌មាន The Sun បានផ្សាយថា ក្លិបយក្សអ៊ីតាលីទាំង២កំពុងសម្លឹងរកការចាប់យករូបគាត់ប្រសិនបើកង្វះពេលវេលាលេងរបស់គាត់នៅបន្តនៅអង់គ្លេស។ Inter Milan និង AC Milan ចាប់អារម្មណ៍លើកិច្ចព្រមព្រៀងខ្ចីជើងនៅខែមករាសម្រាប់អតីតខ្សែការពាររបស់ក្រុម Porto រូបនេះ ប៉ុន្តែវិធីសាស្រ្តណាមួយនឹងត្រូវបានច្រានចោល។

ជំនួសមកវិញ ការផ្លាស់ប្តូរនៅរដូវក្តៅក្រោយទំនងជានៅពេលដែល Man Utd អាចទាមទារថ្លៃឈ្នួលចំនួន១៣.៥លានផោនរបស់ពួកគេដែលបានបង់ត្រឡប់មកវិញ។ Telles ត្រូវបាន​គេមើល​ឃើញ​ថា ​លំបាក​ក្នុង​ការសម្របខ្លួន​​ចូល​រួម​ក្នុង​ជម្រើស​១១​នាក់​ដំបូង​ចាប់​តាំង​ពី​បាន​បង្ហាញខ្លួនញឹកញាប់ដោយ​ Luke Shaw ជា​ជម្រើស​ដំបូង។

កីឡាកររូបនេះ Alex Telles លេងបានតែ៥ដងប៉ុណ្ណោះនៅរដូវកាលនេះ រួមទាំង២ដងក្នុង Champions League និង១ដងក្នុង EFL Cup ។

ទន្ទឹមនឹងនេះដែរ ខ្សែប្រយុទ្ធវ័យជ្រេ Edinson Cavani ត្រូវបានគេរាយការណ៍ថា ចង់ផ្លាស់ទៅ Barcelona នៅរដូវក្តៅក្រោយ។ ជាមួយនឹងកិច្ចសន្យារបស់គាត់នឹងផុតកំណត់នៅចុងបញ្ចប់នៃរដូវកាលនេះ Cavani បានត្រៀមខ្លួនរួចរាល់ហើយក្នុងការចាកចេញពី Old Trafford។

ក្លិប Barcelona គឺជាអ្នកកោតសរសើរខ្សែប្រយុទ្ធសញ្ជាតិអ៊ុយរ៉ាហ្គាយរូបនេះ។ កាសែត The Times បានអះអាងថា Cavani ត្រៀមខ្លួនរួចជាស្រេចដើម្បីផ្លាស់ទៅ Nou Camp ជាមួយនឹងគ្រូបង្វឹកថ្មីរបស់ Barcelona លោក Xavi ៕ (រូបភាព ៖ The sun)ដោយ៖ភារៈ