ភ្នំពេញ៖ បុរសម្នាក់បានបេីករថយន្តម៉ាកCRVក្នុងល្បឿនលឿនមិនប្រយ័ត្នរេចង្កូតជ្រុលទៅបុករបាំងថ្មពុះចែកទ្រូងផ្លូវពេញទំហឹងបណ្តាលឱ្យដាច់កង់ម្ខាងចំណែករបាំងថ្មរងការខូចខាតចំនួន១កង់។
ហេតុការណ៍នេះបានកេីតឡេីងកាលពីវេលាម៉ោង៣ទៀបភ្លឺឈានចូលថ្ងៃទី៩ ខែធ្នូ ឆ្នាំ២០២១ នៅចំណុចមុខស្ថានទូតជប៉ុន តាមបណ្តោយផ្លូវព្រះនរោត្តម ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេឃេីញរថយន្តមួយគ្រឿងម៉ាកCRV ពណ៌គ្រាប់អម្ពិល ពាក់ស្លាកលេខភ្នំពេញ2AV- 3785 ធ្វេីដំណេីរតាមបណ្តោយផ្លូវព្រះនរោត្តមក្នុងទិសដៅពីត្បូងទៅជេីងដោយប្រើល្បឿនលឿន ខណៈមកដល់ចំណុចកេីតហេតុក៏បានរេចង្កូតមកខាងឆ្វេងដៃជ្រុលទៅបុករបាំងថ្មពុះចែកទ្រូងផ្លូវពេញទំហឹងតែម្តងបណ្តាលឱ្យរថយន្តដាច់កង់ខាងមុខផ្នែកខាងឆ្វេងចេញពីរថយន្ត ហេីយរថយន្តមិនទាន់អស់ល្បឿនក៏រេទៅខាងស្តាំដៃវិញបន្តឡេីងខឿនផ្លូវផ្ទុះពោងសុវត្តិភាពទៅមុខលែងរួច។ចំណែករបាំងថ្មពុះចែកទ្រូងផ្លូវរងការខូចខាតចំនួនមួយកង់ ហើយសំណាងល្អដែរដែលមិនមានមនុស្សរងរបួស។
ក្រោយកេីតហេតុម្ចាស់រថយន្តបង្កបានចុះពីលេីរថយន្តគេចខ្លួនបាត់បន្សល់ទុករថយន្តនៅកន្លែងកេីតហេតុត្រូវបានសមត្ថកិច្ចមូលដ្ឋានទាក់ទងទៅជំនាញការិយាល័យចរាចរណ៍ជេីងគោកនៃស្នងការដ្ឋាននគរបាលរាជធានីភ្នំពេញមកស្ទូចយករថយន្តទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
