ភ្នំពេញ៖ រថយន្តកុងតឺន័របានបេីកកៀររថយន្តកាមរីបាឡែនបណ្តាលឱ្យរងការខូចខាតបន្តិចបន្តួច តែភាគីទាំងសងខាងជជែកយកត្រូវរៀងៗខ្លួននិងបង្កការកកស្ទះចរាចរណ៍យ៉ាងខ្លាំងផងដែរ។
ហេតុការណ៍នេះបានកេីតឡេីងកាលពីវេលាម៉ោង៣និង៥០នាទីរសៀលថ្ងៃទី៦ ខែមករា ឆ្នាំ២០២២ នៅចំណុចមុខទីបញ្ជាការកងទ័ពជេីងគោក តាមបណ្តោយផ្លូវជាតិលេខ៤ ស្ថិតក្នុងសង្កាត់កន្ទោក ខណ្ឌកំបូល រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តសណ្តោងទូកុងតឺន័រក្បាលពណ៌ស ពាក់ស្លាកលេខភ្នំពេញ3E-3565 បើកក្នុងទិសដៅពីកេីតទៅលិច ខណៈមកដល់ចំណុចកេីតហេតុស្រាប់តែមានរថយន្តកាមរីបាឡែនពណ៌ទឹកប្រាក់ ពាក់ស្លាកលេខសៀមរាប2B-7274 បើកមកពីក្រោយហេីយបម្រុងវ៉ាខាងស្តាំក៏ត្រូវរថយន្តកុងតឺន័រកៀរបណ្តាលឱ្យរថយន្តកាមរីរងការខូចខាតខាងក្រោយបន្តិចបន្តួច តែមិនមានមនុស្សរងរបួសនោះទេ ប៉ុន្តែពួកគេជជែកយកតែត្រូវរៀងខ្លួនបង្កការកកស្ទះចរាចរណ៍យ៉ាងខ្លាំង។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុធ្វេីការបាញ់ថ្នាំដេីម្បីយករថយន្តអែបកៀនជៀសវាងការកកស្ទះកាន់តែខ្លាំង៕ដោយ៖សុខាសែនជ័យ
