ភ្នំពេញ៖ នៅព្រឹកថ្ងៃទី២២ ខែមេសា ឆ្នាំ២០១៦ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានទទួលជួបសវនាការ និងទទួលអំណោយជាថវិកាចំនួន២ក្រុមហ៊ុន ៖

១. ក្រុមហ៊ុន Oxley Worldbridge Co. Ltd នូវទឹកប្រាក់ចំនួន១០០,០០០ ដុល្លាអាមេរិក ( ដប់មុឺនដុល្លារ ) ពីឧកញ៉ា សៀ ឬទ្ធី ប្រធានក្រុមប្រឹក្សាភិបាលក្រុមហ៊ុន ។

២. ក្រុមហ៊ុនស្រាបៀរថៃហ្គ័រ នូវទឹកប្រាក់ចំនួន៥០,០០០ដុល្លារ ( ប្រាំមុឺនដុល្លារ ) ពីលោក រ៉ូឡេនដ៏បាឡា អគ្គនាយកក្រុមហ៊ុន នៅទីស្នាក់ការកណ្តាលកាកបាទក្រហមកម្ពុជា ។

សម្តេចកិត្តិព្រឹទ្ធបណ្ឌិត បានថ្លែងអំណរគុណនូវទឹកចិត្តមនុស្សធម៌ ដែលក្រុមហ៊ុន បានចូលរួមចំណែកនូវការងារមនុស្សធម៌ជាមួយកាកបាទក្រហមកម្ពុជា ។

សូមជម្រាបថាៈ កាកបាទក្រហមកម្ពុជាដឹកនាំដោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្តេចប្រធានតែងតែគិតគូរ ពីសុខទុក្ខពលរដ្ឋរងគ្រោះដោយយថាហេតុស្ទើរគ្រប់ច្រកល្ហកនៅតំបន់ដាច់ស្រយាល ដោយមិនប្រកាន់ពូជសាសន៍ ពណ៌សម្បុរ និន្នាការនយោបាយឡើយ ៕

ដោយ៖ សុវណ្ណារ៉ា