ភ្នំពេញ ៖ ដោយសារតែកម្ពុជា មានសន្តិភាព មានការអភិវឌ្ឍន៍ មានស្តាតលំដាប់ពិភពលោក ឈានដល់សហព័ន្ធកីឡាបាល់ទាត់កម្ពុជា បានប្រកាសទទួលកក់បន្ទប់ VIP សម្រាប់ទស្សនាជាក្រុម ពេលជម្រើសជាតិប្រកួតក្នុងពាន AFF U23 Championship នាថ្ងៃទី១៤ខាងមុខ ដែលមានតម្លៃចាប់ពី ៦០០ ដល់២៤០០ដុល្លារ។ នៅក្នុងនោះក៏មានបន្ទប់​សណ្ឋាគារនៅខាងក្នុងពហុកីឡដ្ឋានមានសម្រាប់ជួលអំឡុងពេលថ្ងៃប្រកួតរបស់ក្រុមជម្រើសជាតិកម្ពុជាU23នៅក្នុងព្រឹត្តិការណ៍AFF U23 Championship 2022 “ទាំងអស់គ្នា ដើម្បីកម្ពុជា”។
សូមរំលឹកថា, បើតាម សហព័ន្ធកីឡាបាល់ទាត់កម្ពុជា បានប្រកាសថា, នៅសល់តែ ៥,០០០ សំបុត្រទៀតប៉ុណ្ណោះ នៃសំបុត្រសរុប ២៦,០០០ សម្រាប់ការប្រកួតរបស់ក្រុមជម្រើសជាតិកម្ពុជាអាយុក្រោម២៣ឆ្នាំនៅថ្ងៃទី១៤ ក្នុងការប្រកួតពានរង្វាន់ AFF U23 Championship 2022។
សូមជម្រាបជូនថា,នៅសល់តែ ១ថ្ងៃទៀតប៉ុណ្ណោះ ការប្រកួតបាល់ទាត់ជើងឯកអាស៊ាន អាយុក្រោម២៣ឆ្នាំ (AFF U23 Championship 2022) នឹងឈានមកដល់ហើយ។ ផ្សាយផ្ទាល់លើកញ្ចក់ទូរទស្សន៍ Bayon TV និង BTV News ផងដែរ មានសិទ្ធិផ្តាច់មុខពីក្រុមហ៊ុនផ្សាយ។
តើលោកអ្នកត្រៀមខ្លួនហើយឬនៅ? អ្វីដែលអ្នកគាំទ្របាល់ទាត់ទន្ទឹងរង់ចាំមកដល់ថ្ងៃទី១៤កុម្ភៈនេះហើយ។ ផ្ដល់ក្ដីស្រលាញ់របស់លោកអ្នក ជូនក្រុមជម្រើសជាតិយុវជនកម្ពុជាអាយុក្រោម ២៣ឆ្នាំ។
តើលោកអ្នកមានសំបុត្រចូលរួមទស្សនាការប្រកួតហើយឬនៅ? គឺថ្ងៃទី១៤ ខែកុម្ភៈ ឆ្នាំ២០២២
– ទីម័រឡេស្ដេ Vs ហ្វីលីពីន | ម៉ោង ១៦:០០ រសៀលដល់ល្ងាច
– កម្ពុជា Vs ព្រុយណេ | ម៉ោង ១៩:០០ ល្ងាច ដល់យប់
សូមចូលរួមអនុវត្តវិធានការ ៣កុំ ៣ការពារ និងវិធានការនានារបស់ក្រសួងសុខាភិបាល ។
សម្រាប់ការប្រកួតរបស់ក្រុមជម្រើសជាតិកម្ពុជាអាយុក្រោម២៣ឆ្នាំនៅថ្ងៃទី១៤ ក្នុងការប្រកួតពានរង្វាន់ AFF U23 Championship 2022 មានចំនួន ២៨រូប សង្ឃឹមថា, យកជ័យជម្នះជូនប្រទេសជាតិ ៕

ដោយ : សុខ ខេមរា