ទាហានក្រុមអិស្លាមបង្កើតរដ្ឋIS បានច្នៃប្រឌិតនូវសព្វាវុធថ្មីៗជាច្រើនសម្រាប់សកម្មភាពវាយប្រហាររបស់ខ្លួនប្រកបដោយប្រសិទ្ធិភាព ក្នុងនោះមានការបង្កៃគ្រាប់បែកនៅលើខ្លួនសត្វមាន់ដើម្បីទៅកម្ទេចគោលដៅនានា។
ក្រុមIS នៅទីក្រុងFallujah ប្រទេសអីរ៉ាក់បានបំពាក់គ្រាប់បែកនៅលើសត្វមាន់ រួចប្រលែងឲ្យរត់ចូលក្នុងជំរុំសត្រូវហើយក្រុមIS នឹងបញ្ជាបំផ្ទុះគ្រាប់បែកពីចម្ងាយសម្លាប់អ្នកដែលនៅក្បែរៗមាន់នោះ។
នៅពេលនេះក្រុមអិស្លាមបង្កើតរដ្ឋកំពុងតែខ្វះគ្រាប់រំសែវ ដោយសារតែអាមេរិកនិងសម្ព័ន្ធមិត្តបានបិទច្រកជំនួយពីប្រទេសស៊ីរីនិងពីតំបន់ផ្សេងៗក្នុងប្រទេសអីរ៉ាក់។ ទាំងនោះហើយបានជាក្រុមអិស្លាមបង្កើតរដ្ឋ កែច្នៃនៃគ្រាប់បែកដោយខ្លួនឯងសម្រាប់វាយប្រហារទៅលើគោលដៅនានារបស់សត្រូវ។ ពេលនេះក្រុមIS បានប្រើប្រាស់គ្រាប់បែកច្នៃនិងគ្រាប់កាំភ្លើងត្បាល់ ប្រើប្រាស់សំបកហ្គាសនិងជី លួចនាំចូលពីប្រទេសទួគី។
មិនត្រឹមតែប៉ុណ្ណោះក្រុមអិស្លាមបង្កើតរដ្ឋបានប្រើប្រាស់ទាំងរទេះទិញឥវាន់នៅតាមផ្សារធ្វើជាជើងទម្រហើយអាចដាក់គ្រាប់បានយ៉ាងច្រើនទៀតផង៕
