ព្រឹត្តិការណ៍កីឡាអូឡាំពិករដូវរងានៅទីក្រុងប៉េកាំងឆ្នាំ២០២២បានបិទបញ្ចប់កាលពីថ្ងៃអាទិត្យនៅក្នុងពិធីដ៏រីករាយមួយ។ អត្តពលិកជិត៣,០០០នាក់បានចូលរួមប្រកួតក្នុងព្រឹត្តិការណ៍នេះក្នុង១០៩ប្រទេស លើវិញ្ញាសាចំនួន១៥ក្នុងរយៈពេល២សប្តាហ៍កន្លងមកនេះ។
ប្រធានគណៈកម្មាធិការអូឡាំពិកអន្តរជាតិ លោក Thomas Bach បានអំពាវនាវឱ្យមេដឹកនាំនយោបាយជុំវិញពិភពលោកត្រូវបានបំផុសគំនិតដោយលើកឡើងពី “គំរូនៃសាមគ្គីភាព និងសន្តិភាព” របស់អត្តពលិក។
លោកបានបន្តថា “អំណាចបង្រួបបង្រួមនៃកីឡាអូឡាំពិកនេះខ្លាំងជាងកម្លាំងដែលចង់បំបែកយើងទៅទៀត។ អត្តពលិកបាន ផ្តល់ឱកាសសន្តិភាព ជាមួយនឹងការអត្ថាធិប្បាយកើតឡើងចំពេលមានភាពតានតឹងកើនឡើងរវាងរុស្ស៊ី និងអ៊ុយក្រែន។ អ្នកទាំងអស់គ្នាបានខិតខំដើម្បីសម្រេចបាននូវសមត្ថភាពផ្ទាល់ខ្លួនរបស់អ្នក យើងពិតជាមានអារម្មណ៍សោកស្ដាយយ៉ាងខ្លាំងចំពោះរបៀបដែលអ្នកបានជូនពរ និងលើកទឹកចិត្តឱ្យដៃគូប្រកួតប្រជែងរបស់អ្នកសម្រេចឱ្យបានល្អបំផុតផងដែរ។ អ្នកមិនត្រឹមតែគោរពគ្នាទៅវិញទៅមកទេ អ្នកបានឱបគ្នាទៅវិញទៅមកទោះបីជាប្រទេសរបស់អ្នកត្រូវបានបែងចែកដោយជម្លោះក៏ដោយ” ។សម្រាប់ប្រទេស៥ដែលទទួលបានមេដាយមាសច្រើនជាងគេគឺលេខ១ បានលើប្រទេសន័រវេសទទួលបានមេដាយមាស១៦គ្រឿង, អាល្លឺម៉ង់ឈរលេខ២ទទួលបានមេដាយមាស១២គ្រឿង, ម្ចាស់ផ្ទះចិនឈរលេខ៣ទទួលបានមេដាយមាស៩គ្រឿង, អាមេរិកឈរលេខ៤ទទួលបានមេដាយមាស៨គ្រឿង និងស៊ុយអែតឈរលេខ៥ទទួលបានមេដាយមាស៨គ្រឿង និងហុល្លង់មាន៨គ្រឿងដូចគ្នា។
ចំណែកអូទ្រីស, ស្វ៊ីស, រុស្ស៊ីបានឈរចំណាត់ថ្នាក់លេខ៧, លេខ៨ និងលេខ៩ ក្នុងប្រកួតព្រឹត្តិការណ៍អូឡាំពិករដូវរងានៅទីក្រុងប៉េកាំង ដែលបានចាប់ផ្តើមប្រកួតរយៈពេល២សប្តាហ៍មកនេះ។
ន័រវេសដែលជាប្រទេសឈរលើគេមានមេដាយមាស១៦គ្រឿង, ប្រាក់៨គ្រឿង, សំរិទ្ធិ១៣គ្រឿង, លេខ២អាល្លឺម៉ង់មានមេដាយមាស១២គ្រឿង, ប្រាក់១០គ្រឿង, សំរិទ្ធិ៥គ្រឿង, លេខ៣ចិនមានមេដាយមាស៩គ្រឿង, ប្រាក់៤គ្រឿង, សំរិទ្ធិ២គ្រឿង។ ចំណែកលេខ៤អាមេរិកមានមេដាយមាស៨គ្រឿង, ប្រាក់១០គ្រឿង, សំរិទ្ធិ៧គ្រឿង, ស៊ុយអែតឈរលេខ៥មានមេដាយមាស៨គ្រឿង, ប្រាក់៥គ្រឿង, សំរិទ្ធិ៥គ្រឿង, ហុល្លង់ឈរលេខ៦ បានឈ្នះមេដាយមាស៨គ្រឿង, ប្រាក់៥ សរុប៤គ្រឿង ។
មានតែប្រទេសន័រវេសមួយគត់ដែលនាំមុខគេ ជាប្រទេសដែលដណ្តើមបានមេដាយសរុបច្រើនជាងគេរហូតដល់៣៧គ្រឿង ខណៈដែលរុស្ស៊ីឈរលេខ២មាន៣២គ្រឿង រីឯអាល្លឺម៉ង់ឈរលេខ៣ ទទួលបានមេដាយសរុប២៧គ្រឿង និងកាណាដាឈរលេខ៤មានមេដាយ២៦គ្រឿង៕ (រូបភាព ៖ Olympics.com)
