ខេត្តស្វាយរៀង៖ បុរសជាជាងជុសជុលម៉ូតូម្នាក់រងរបួសធ្ងន់ខណ:ជិះម៉ូតូHONDAស៊េរី២០២២ បត់ឆ្វេងមិនប្រយ័ត្នត្រូវរថយន្តប្រភេទទេសចរណ៍ បុកពីក្រោយយ៉ាងពេញទំហឹងបង្កការភ្ញាក់ផ្អើលដល់អ្នកធ្វើដំណើរទាំងព្រឹក។

ហេតុការណ៍នេះបានកើតឡើងកាលពីវេលាម៉ោង៦និង៣០នាទីព្រឹក
ថ្ងៃទី ២៦ ខែ កុម្ភៈ ឆ្នាំ ២០២២ លើផ្លូវជាតិលេខ ០១  ស្ថិតក្នុងភូមិដើមពោធិ៍ ឃុំកណ្តៀងរាយ ស្រុកស្វាយទាប ខេត្ត ស្វាយរៀង ។
យោងតាមសមត្ថកិច្ចនគរបាលស្រុកបានអោយដឹងថាបុរសដែលរងរបួសធ្ងន់មានឈ្មោះ
សំ សន អាយុ៦០ឆ្នាំ មុខរបរជាងជួសជុលម៉ូតូ  រស់នៅភូមិក្បាលថ្នល់ ឃុំកណ្តៀងរាយស្រុកស្វាយទាបខេត្តស្វាយរៀងជិះម៉ូតូម៉ាកHONDAស៊េរីឆ្នាំ២០២២ពណ៌ខ្មៅ  ពាក់ស្លាកលេខ ស្វាយរៀង ១R-៧៦៥១ ខូចខាតទាំងស្រុង។

ចំណែកអ្នកបើករថយន្តមិនត្រូវបានស្គាល់ឈ្មោះនោះទេក្រោយកើតហេតុបានបើករថយន្ត
ប្រភេទទេសចរណ៍ពណ៌ស ពាក់ស្លាកលេខភ្នំពេញ3C-០៤៨៤ ទុកចោលនៅក្នុងតំបន់សេដ្ឋកិច្ចពិសេសស្វាយរៀង(ហ្គីហ្គារីសស)ស្ថិតនៅក្នុងភូមិដើមពោធិ៍ ឃុំកណ្តៀងរាយស្រុកស្វាយទាប។

តាមសាក្សីបានអោយដឹងថាមុនកើតហេតុមានបុរសម្នាក់បានជិះម៉ូតូម៉ាកHONDA ស៊េរីឆ្នាំ២០២២ ពណ៌ខ្មៅ  ពាក់ស្លាកលេខ ស្វាយរៀង ១R៧៦៥១ លើផ្លូវជាតិលេខ ១  ដោយធ្វើដំណើរពីលិចទៅកើត ខណៈនោះស្រាប់ តែបត់ឆ្វេងមិនប្រយត្ន័ត្រូវរថយន្តប្រភេទទេសចរណ៍ ពណ៌ស ពាក់ស្លាកលេខភ្នំពេញ3C-០៤៨៤បុកពីក្រោយយ៉ាងពេញទំហឹងបង្កការភ្ញាក់ផ្អើលដល់អ្នកធ្វើដំណើរទាំងព្រឹក។

ក្រោយមកអ្នករងរបួសត្រូវបានសមត្ថកិច្ចហៅរថយន្តសាមុយយក ទៅសម្រាកព្យាបាលនៅមន្ទីពេទ្យបង្អែកស្វាយទាបនិងធ្វើការវាស់វែង
មធ្យោបាយធ្វើដំណើរទាំងពីរគ្រឿងអូសយកទៅរក្សាទុកនៅអធិការដ្ឋាននគរបាលស្រុកស្វាយទាបដើម្បីដោះស្រាយតាមច្បាប់៕

ដោយ៖ យឹម សុថាន