ខេត្តស្វាយរៀង៖ បុរសម្នាក់ត្រូវបានអ្នកភូមិប្រទះឃើញដេកស្លាប់បង្កការភ្ញាក់ផ្អើលដល់អ្នកភូមិនិងរាយការណ៍មកសមត្ថកិច្ចមូលដ្ឋានមកពិនិត្យសព។
ហេតុការណ៍នេះបានកើតឡើងកាលពីវេលាម៉ោង១២និង៣០នាទីថ្ងៃត្រង់
ទី២៧ខែកុម្ភះឆ្នាំ២០២២ នៅភូមិត្រពាំងផ្លាំង ឃុំព្រៃតាអី ស្រុកស្វាយទាប ។
យោងតាមសមត្ថកិច្ចនគរបាលស្រុកបានអោយដឹងថាបុរសខាងលើមានឈ្មោះ សុក សំណាង អាយុ៥៩ឆ្នាំ មុខរបរកសិកររស់នៅភូមិឃុំកើតហេតុ ។
ប្រភពបន្តថាបន្ទាប់ពីមានសេចក្ដីរាយការណ៍ភ្លាមសមត្ថកិច្នគរបាលស្រុកសហការជាមួយនគរបាលប៉ុស្ត៏រដ្ឋបាលនិងក្រុមគ្រូពេទ្យចុះដល់កន្លែងកើតហេតុពិនិត្យលើខ្លួនសាកសពពុំមានស្លាកស្នាមអ្វីដែលសំគាល់ជារឿងឃាដកម្មនោះទេស្លាប់ដោយខ្យល់គរ។
តាមអ្នកភូមិបានប្រាប់សមត្ថកិច្ចថា
បុរសនេះគឺផឹកស្រាស្រវឹងជាប្រចាំមិនលោះថ្ងៃឡើងដោយនៅថ្ងៃកើតហេតុគេឃើញផឹកស្រាស្រវឹងដើរតាមផ្លូវម្នាក់ឯងម្នាក់ៗមិនបានចាប់អារម្មណ៏នោះទេក្រោយមកស្រាប់តែមានការភ្ញាក់ផ្អើលថាបានដេកស្លាប់បាត់ទៅហើយ។
បច្ចុប្បន្នក្រោយពីធ្វើកំណត់ហេតុរួចសមត្ថកិច្ចបានប្រគល់សពអោយក្រុមគ្រួសារយកទៅធ្វើបុណ្យតាមប្រពៃណី៕
ដោយ៖ យឹម សុថាន
