​ ភ្នំពេញ​ ៖​ រថយន្ដ lexus rx400h មួយគ្រឿងបេីកបរដោយបុរសម្នាក់ធ្វេីដំណេីរក្នុងល្បឿនលឿនបត់ផ្លូវកោងរេចង្កូតជ្រុលទៅបុកដើមឈើមួយដើមជាប់នឹងរបងរោងចក្រមួយកន្លែងបណ្តាលឲ្យបាក់រាបដល់ដី ឯរថយន្តកល់ពីលើដើមឈើជាប់ទៅមុខលែងរួច​ កាលពីវេលាម៉ោង១១ យប់ថ្ងៃទី ០៣ ខែមិនាឆ្នាំ ២០២២ នៅចំណុចមុខរោងចក្រមួយកន្លែងតាមបណ្ដោយផ្លូវ៣៧១សឡា ស្ថិតក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

​ យោងតាមប្រភពព័ត៌មានពីកន្លែងកើតហេតុបានឲ្យដឹងថា​ មុនកើតហេតុគេឃើញបុរសម្នាក់បើករថយន្ត lexus rx400h មួយគ្រឿង​ ពណ៌ស​ ពាក់ស្លាកលេខភ្នំពេញ2AI-7966 ធ្វើដំណើរតាមបណ្ដោយផ្លូវ៣៧១ សឡា ទិសដៅពីជើងទៅត្បូង លុះមកដល់ចំណុចកើតហេតុខាងលើផ្លូវកោង បានបត់ស្ដាំដៃទៅទិសខាងលិច បួងចង្កូតមិនទាន់ជ្រុលទៅបុកដើមឈើមួយដើមជាប់នឹងរបងរោងចក្របាក់រាបដល់ដី ឯរថយន្តខូចខាតមួយកំណាត់មុខយ៉ាងដំណំកល់លើដើមឈើជាប់ទៅមុខលែងរួច។

​ ក្រោយកើតហេតុ​ សមត្ថកិច្ចមូលដ្ឋានបានចុះមកដល់និងបានពិនិត្យនៅនឹងកន្លែងកើតហេតុ​ ដោយឃេីញមិនមានប៉ះពាល់ដល់សម្បត្តិរដ្ឋ ក៏បានឲ្យភាគីរថយន្តបង្កធ្វើការសម្រុះសម្រួលជាមួយខាងម្ចាស់រោងចក្រដើម្បីបញ្ចប់រឿងនៅនឹងកន្លែងកើតហេតុ៕

ដោយ​ ៖​ ភារ៉ា​ ដង្កោ​