ភ្នំពេញ៖ ទីតាំងបេីកលេងល្បែងទ្បូតូតាមអនទ្បាញខុសច្បាប់មួយកន្លែង នៅសង្កាត់ក្បាលកោះ ត្រូវបានកម្លាំងនគរបាលប៉ុស្តិ៍រដ្ឋបាលក្បាលកោះ ចុះត្រួតពិនិត្យធ្វើការណែនាំ និងកិច្ចសន្យាមិនឱ្យមានការបេីកលេងបន្តទៀតនោះទេ។ ហេីយបេីម្ចាស់ទីតាំងនៅតែបន្តលួចបេីកខុសច្បាប់ សមត្ថកិច្ចជំនាញ និងមានវិធានការតាមច្បាប់។
បេីយោងតាមប្រភពព័ត៍មានពីរបាយការណ៍របស់នគរបាលក្បាលកោះ បានឱ្យដឹងថា បន្ទាប់ពីសេចក្ដីរបាយការណ៍របស់ប្រជាពលរដ្ឋថា៖ “មានទីតាំងល្បែងជល់មាន់តាមអនទ្បាញ នៅផ្ទះគ្មានលេខ ផ្លូវលំ ភូមិយកបាត្រ សង្កាត់ក្បាលកោះ ខណ្ឌច្បារអំពៅ” ។ ជាក់ស្ដែងនៅថ្ងៃទី០៥ ខែមីនា ឆ្នាំ២០២២នេះ កម្លាំងប៉ុស្តិ៍នគរបាលរដ្ឋបាលក្បាលកោះ នៃអធិការដ្ឋាននគរបាលខណ្ឌច្បារអំពៅ ចុះត្រួតពិនិត្យនៅទីតាំងខាងលើនេះ ជាលទ្ធផលមិនឃើញមានការបើកលេងល្បែងជល់មាន់តាមអនទ្បាញនោះទេ។ ប៉ុន្តែជាក់ស្ដែងសមត្ថកិច្ច បានត្រួតពិនិត្យរកឃើញម្ចាស់ទីតាំងបានបើកល្បែងទ្បូតូតាមអនទ្បាញ។
ក្រោយត្រួតពិនិត្យរួច កម្លាំងសមត្ថកិច្ចបានធ្វើការណែនាំអប់រំ និងកិច្ចសន្យាជាមួយម្ចាស់ទីតាំងឱ្យបិទការលេងល្បែងប្រភេទទ្បូតូតាមអនទ្បាញនេះបន្តទៀត ហេីយប្រសិនបើម្ចាស់ទីតាំងលួចបេីកគ្មានការអនុញ្ញាតិសមត្ថកិច្ចជំនាញ និងអនុវត្តតាមនីតិវិធីច្បាប់៕
ដោយ៖សហការី
