ខេត្តស្វាយរៀង៖ បុរសម្នាក់ទំនងស្រាខណ:ជួបករណីគ្រោះថ្នាក់ចរាចរណ៍ជិះម៉ូតូរ៉េចង្កូតទៅបុកលូបង្កការភ្ញាក់ផ្អើលដល់អ្នកភូមិចេញមកមើលនិងរាយការណ៏មកសមត្ថកិច្ចមូលដ្ឋានទាំងយប់។

ហេតុការណ៍នេះបានកើតឡើងកាលពីវេលាម៉ោង១១និង៤០នាទីយប់
នៅថ្ងៃទី១៧ ខែមីនា ឆ្នាំ២០២២ លើផ្លូវលំ នៅចំណុចភូមិស្រែឫស្សីឃុំអំពិល ស្រុកមាសហែកខេត្តស្វាយរៀង។

យោងតាមសមត្ថកិច្ចនគរបាលស្រុកបានអោយដឹងថាបុរសខាងលើមានឈ្មោះនុត សុផា អាយុ៤០ ឆ្នាំ មុខរកបរកសិករ រស់នៅភូមិស្រែឫស្សី ឃុំអំពិល ស្រុករមាសហែកខេត្តស្វាយរៀង។

បើតាមសាក្សីបានអោយដឹងថាមុនកើតហេតុគេឃើញបុរសម្នាក់បានជិះម៉ូតូមួយគ្រឿង ម៉ាកហុងដា សេ១២៥ ពណ៌ខ្មៅ ពាក់ស្លាកលេខ កំពង់ចាម ១K ៤៦២៧ ដោយធ្វើដំណើរពីទិសខាងជើងមកត្បូង មិនពាក់មួកសុវត្ថិភាពដោយទំនងស្រវឹងស្រាស្រាប់តែរ៉េចង្កូតទៅបុកទៅបុកលូបង្កការភ្ញាក់ផ្អើលដល់អ្នកភូមិចេញមកមើលនិងរាយការណ៏មកសមត្ថកិច្ចមូលដ្ឋានទាំងយប់។

ក្រោយកើតហេតុសមត្ថកិច្ចបានមកដល់និងពិនិត្យសពគឺពិតជាស្លាប់ដោយគ្រោះថ្នាក់ចរាចរណ៏មែនទើបប្រគល់សពអោយក្រុមគ្រួសារយកមកធ្វើបុណ្យតាមប្រពៃណី៕

ដោយ៖ យឹម សុថាន