ខេត្តពោធិ៍សាត់ ៖ គ្រោះធម្មជាតិរន្ទះបាញ់បានឆក់យកជីវិតបុរសម្នាក់ត្រឹមតែប៉ប្រេចភ្នែក នៅគ្រាដែលជនរងគ្រោះដើរឆក់ត្រីខណៈមេឃកំពុងធ្លាក់ភ្លៀង ។

ករណីរន្ទះបាញ់មនុស្សបណ្ដាលអោយស្លាប់ខាងលើ បានកើតឡើងកាលពីយប់ថ្ងៃសុក្រ ១៥រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១ ខែមេសា ឆ្នាំ២០២២ ត្រង់ចំណុចស្រះទឹកវាលស្រែមួយកន្លែង ស្ថិតនៅភូមិទួលម្កាក់ សង្កាត់រលាប ក្រុង.ខេត្តពោធិ៍សាត់ ។

ប្រភពព័ត៌មានពីម្ដងកន្លែងកើតហេតុ ជនរងគ្រោះឈ្មោះ ខន សុខចាន់ ភេទប្រុស អាយុ២០ឆ្នាំ មានទីលំនៅ ភូមិ.សង្កាត់កើតហេតុ ។

ប្រភពដដែលបន្តទៀតថា មូលហេតុ រន្ទះបាញ់ជនរងគ្រោះបណ្ដាលឲ្យស្លាប់ខាងលើនេះ ដោយសារគាត់ដើរឆក់ត្រីគ្រាដែលមេឃកំពុងធ្លាក់ភ្លៀង សពសមត្ថកិច្ចចពិនិត្យធ្វើកំណត់ហេតុ ប្រគល់ជូនក្រុមគ្រួសារដើម្បីយកទៅចាត់ចែង ធ្វើបុណ្យតាមប្រពៃណី ៕

ដោយ៖ ប៉ឹម ពិន