ខេត្តបាត់ដំបង ៖ លោកវរសេនីយ៍ទោ ម៉ែន រីម អធិការនគរបាលស្រុកសំឡូត នៅរសៀលថ្ងៃទី០៤ ខែមេសា ឆ្ឆ្នា២០២២ ម្សិលមិញនេះ បានដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំងប៉ុស្តិ៍នគរបាលរដ្ឋបាលកំពង់ល្ពៅ ចុះប្រតិបត្តិការបង្រ្កាបករណីរក្សាទុកដោយខុសច្បាប់នូវសារធាតុ០១ករណី។
មន្ត្រីនគរបាលបង្រ្កាបគ្រឿងញៀនស្រុកសំឡូតបានឲ្យដឹងថា ប្រតិបត្តិការនេះសមត្ថកិច្ចបានឃាត់ខ្លួនជនសង្ស័យម្នាក់ ស្ថិតនៅចំណុចក្រុមទី៥ភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង ។
ជនសង្ស័យ ឈ្មោះ ឈឹម ឧត្តម ភេទ ប្រុស អាយុ១៧ ឆ្នាំ ស្នាក់នៅនៅភូមិ ព្រៃធំ ឃុំកំពុងល្ពៅស្រុកសំឡូត ខេត្តបាត់ដំបង ។
ជាមួយនេះសមត្ថកិច្ចចម្រុះដកហូតវត្ថុតាងរួមមាន ៖
-ម្សៅក្រាមពណ៌សថ្លាច្រកក្នុងកូនថង់ប្លាស្ទិកពណ៌សថ្លា ចំនួន ០៥ថង់ ទម្ងន់៩,៦៧ក្រាម (ទាំងសំបក) សង្ស័យមានសារធាតុញៀន
-ថង់សម្រាប់រំលែកថ្នាំញៀនលក់ និងសម្ភារៈសម្រាប់ប្រើប្រាស់មួយចំនួន
-ទូរស័ព្ទដៃចំនួន ០១ គ្រឿង (ចាស់) ។
ប្រភពដដែលបានឲ្យដឹងទៀតថាបច្ចុប្បន្នជនសង្ស័យ រួមជាមួយវត្ថុតាងត្រូវបានកម្លាំងអធិការដ្ឋាននគរបាលស្រុក រៀបចំកសាងសំណុំរឿង និងបញ្ជូនមកការិយាល័យជំនាញនៅស្នងការដ្ឋាននគរបាលខេត្តបាត់ដំបង ដើម្បីបញ្ជូនទៅសាលាដំបូងខេត្តចាត់ការតាមច្បាប់ ៕
ដោយ÷ប្រាថ្នា
