ភ្នំពេញ៖ ពុទ្ធោម្តេចក៏រកសុីគ្មានកត្តាស្មោះត្រង់យ៉ាងនេះ ជាមួយអតិថិជន ឈានដល់លក់ត្រីជប៉ុន ខូចគុណភាព មានធុំក្លិនស្អុយ អោយភ្ញៀវ សុំដូរវិញក៏មិនព្រមដូរ បែជាប្រើលេសថា, ខ្លួនមិនមែនជាអ្នកសាខាទីតាំងលក់នោះ បើមិនមែនហេតុអីអតិថិជន ទូរស័ព្ទសុំដូរត្រីវិញ តម្រូវអោយទៅចាំនៅហាង ចាំខ្លួនខលទៅខាងសាខាផ្សារដីហុយ យកត្រីដូរអោយ ។ តែទីបំផុត មិនយកត្រីដូរអោយហើយ ក៏លើកហេតុផលថាខ្លួននៅសាខាផ្សារឈូកមាស ! មិនមែននៅសាខាផ្សារដីហុយទេ ។ ការរកស៊ីរបៀបនេះ មិនត្រឹមតែបាត់បង់អតិថិជន អស់ទំនុកចិត្តប៉ុណ្ណោះទេ គឺប្រៀបបានមានចេតនា ធ្វើអោយប៉ះពាល់ដល់សុខភាព អតិថិជន ដែលជាអ្នកជាវយកទៅពិសារថែមទៀត។ 

អតិថិជនបានបញ្ជាក់ប្រាប់ អង្គភាព មជ្ឈមណ្ឌលសារព័ត៌មាន”នគរវត្ត” នៅយប់ថ្ងៃទី០៥ ខែមេសា ម្សិលមិញថា, គាត់បានអោយសាច់ញាតិរបស់គាត់ កម្ម៉ង់ទិញត្រីជប៉ុន នៅហាង Kampuh សាខាផ្សារដីហុយ ដែលមានអាស័យដ្ឋាន  ផ្ទះលេខ៩៨, ផ្លូវលេខ១៩៨៦(កែង ស្តុបពេទ្យសែនសុខ, សង្កាត់ភ្នំពេញថ្មី, ខណ្ឌសែនសុខ,រាជធានីភ្នំពេញ ដើម្បីយកមកបរិភោគជួបជុំបងប្អូន នៅឯគេហដ្ឋាន ។

អតិថិជនដដែល បានលើកឡើងថា, កាលទៅទិញនោះខ្ទង់ម៉ោងជាង ៧ព្រលប់ថ្ងៃទី៥ ខែមេសា ឆ្នាំ២០២២ លុះម៉ោង៨បន្តិចបន្តួច ក៏យកត្រីជប៉ុននោះ មកបើកដើម្បីបរិភោគជុំគ្នា តែខកចិត្តយ៉ាងខ្លាំង គឺសាខាខាងលើបានលក់វេចខ្ចប់ត្រីជប៉ុន មានធុំក្លិនស្អុយ ខូចគុណភាព ក៏បានអោយគ្នាគាត់ទូរស័ព្ទប្រាប់ទៅម្ចាស់ សាខាផ្សារដីហុយ ដែលមានអាសយដ្ឋាន  ផ្ទះលេខ៩៨, ផ្លូវលេខ១៩៨៦(កែង ស្តុបពេទ្យសែនសុខ, សង្កាត់ភ្នំពេញថ្មី, ខណ្ឌសែនសុខ,រាជធានីភ្នំពេញ កន្លែងខ្លួនទៅទិញ ហើយខាងសាខាដែលមានលេខទូរស័ព្ទ  017 49 9945…ទទួលស្គាល់ និងព្រមប្រគល់ត្រីជប៉ុនថ្មីដូរអោយវិញ ដោយតម្រូវអោយខាងគាត់មកចាំនៅមុខហាងសាខាផ្សារដីហុយហ្នឹង ជាង១០នាទី តែមិនឃើញមានបុគ្គលិក ហាងក៏បិទទ្វារទៀត ។ ដល់ព្យាយាមទូរស័ព្ទបន្ត គាត់សន្យាអោយចាំបន្ត ដើម្បីគាត់ខលទូរស័ព្ទទៅប្រាប់អ្នកនៅសាខាផ្សារដីហុយ អោយយកទៅដូរអោយ ដោយគាត់លើកហេតុផលថា, គាត់នៅសាខាផ្សារឈូកមាសទេ ។ ទីបំផុត ! មិនឃើញបុគ្គលិកណាម្នាក់យកមកដូរអោយ ដូចពាក្យគាត់អះអាងនោះឡើយ។ អតិថិជនជនលើកឡើងថា, ហួសចិត្តទូរស័ព្ទជាច្រើនដងក្នុងចន្លោះម៉ោង៨និង៤៧នាទៅ, ម៉ោង៨និង៤៨នាទី យប់ថ្ងៃទី៥ ខែមេសា ឆ្នាំ២០២២ អ្នកកាន់លេខទូរស័ព្ទ  017 49 9945…ដដែល ប្រាប់ថា, ខ្លួនមិនកាន់នៅសាខាផ្សារដីហុយ គឺកាន់នៅសាខាផ្សារឈូកមាស ,។ អតិថិជនឆ្ងល់ថា, បើកាន់នៅសាខាផ្សារឈូកមាស ហេតុអីមានលេខទូរស័ព្ទ នៅហាង Kampuh សាខាផ្សារដីហុយ ដែលមានអសយដ្ឋាន  ផ្ទះលេខ៩៨, ផ្លូវលេខ១៩៨៦(កែង ស្តុបពេទ្យសែនសុខ, សង្កាត់ភ្នំពេញថ្មី, ខណ្ឌសែនសុខ ក្រោយមកថាខ្លួន គ្រាន់ជាអ្នកកាន់ផេកអោយ ហាង   Kampuh Seafood -Tuna & Salmon លក់បោះដុំ សាម៉ុន និង ធូណា ក្នុងតម្លៃក្រោម ទីផ្សារ , ដល់អតិថិជនសួររកលេខម្ចាស់ហាងសាខាផ្សារដីហុយ ក៏មិនប្រាប់ សួររកលេខថៅកែ ក៏មិនប្រាប់ ដោយបង្កើតជាលេសថាខ្លួនមិនមានសិទ្ធិប្រាប់ ! ហើយខឹងសម្បាមកលើអតិថិជន ថាខ្លួនកំពុងតែជាប់រវល់ជាមួយក្រុមគ្រួសារទៅវិញ។ 

អតិថិជនបានបញ្ជាក់ថា, គាត់មិនស្តាយប្រាក់ត្រឹមតែ ១០ដុល្លារ ប៉ុន្តែសូមអោយ រកសុីមានការទទួលខុសត្រូវ ច្បាស់លាស់ គិតពីតម្លៃនៃពេលវេលាអតិថិជន គិតពីបញ្ហាសុខភាព អ្នកជាវយកទៅបរិភោគផង ។ 

ពាក់ព័ន្ធករណីបែបនេះ គួរណាស់តែអង្គភាពគណៈកម្មាធិការប្រយុទ្ធប្រឆាំងផលិតផលក្លែងក្លាយ-Counter Counterfeit Committee មេត្តាចុះពិនិត្យ ស៊ើបអង្កេត ស្រាវជ្រាវ រកឲ្យឃើញនូវការលក់ដូរ ដែលគ្មានភាពស្មោះត្រង់ចំពោះអតិថិជន នូវត្រី សាច់ ដែលខូចគុណភាព ព្រោះប៉ះពាល់ដល់សុខភាពអ្នកបរិភោគបំផុតដែលជាប្រជាពលរដ្ឋ ទៅលើទីតាំងហាង Kampuh Seafood សាខាផ្សារដីហុយ Kampuh Seafood -Tuna & Salmon Frish លក់បោះដុំ សាម៉ុន និង ធូណា ក្នុងតម្លៃក្រោម ទីផ្សារ និងទីតាំងដែលលេខទូរស័ព្ទ′ 017 49 9945… ផ្ទះលេខ៩៨, ផ្លូវលេខ១៩៨៦(កែង ស្លបពេទ្យសែនសុខ, សង្កាត់ភ្នំពេញថ្មី, ខណ្ឌសែនសុខ, Phnom Penh, Cambodia…។ 

ពាក់ព័ន្ធករណីខាង អង្គភាព មជ្ឈមណ្ឌលសារព័ត៌មាន”នគរវត្ត” នៅព្រឹកថ្ងៃទី៦ ខែមេសា ឆ្នាំ២០២២ មិនអាចធ្វើការទំនាក់ទំនងសុំការបំភ្លឺបានទេ ចំពោះអ្នកកាន់លេខទូរស័ព្ទ 017499945 ដោយខលទូរស័ព្ទចូល តែគ្មានអ្នកទទួល ៕

ដោយ៖ សិលា