ភ្នំពេញ៖ បេីយោងតាមប្រភពព័ត៍មានពីក្រសួងបរិស្ថាន នៅរសៀលថ្ងៃព្រហស្បតិ៍ទី០៧ ខែមេសា ឆ្នាំ២០២២នេះថា៖ លោក សូខន ឬទ្ធីគុណ រដ្ឋលេខាធិការក្រសួងបរិស្ថាន កាលពីព្រឹកមិញនេះ បានជួបសំណេះសំណាល ចែកជូននូវសម្ភារៈប្រើប្រាស់ និងថវិកាមួយចំនួនជូនលោកតាៗ ដែលប្រកបរបរធាក់ស៊ីក្លូ ប្រមាណ៦០នាក់ ក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំខាល ចក្វាស័ក ព.ស ២៥៦៦ ឆ្នាំ២០២២ ដែលនឹងឈានមកដល់ខាងមុខនេះ ដោយមានការចូលរួមពីនាយកដ្ឋានព័ត៌មាននិងផ្សព្វផ្សាយបរិស្ថាន សហការជាមួយយុវជន សសយក វិស័យបរិស្ថាន ។
ជាមួយគ្នានេះ លោក សូខន ឬទ្ធីគុណ បានមានប្រសាសន៍ថា របរធ្លាក់ស៊ីក្លូនេះជាមុខរបរដឹកជញ្ចូនដែលខ្មែរយើងមានតាំងពីយូរមកហើយ បច្ចុប្បន្នបើទោះការដឹកជញ្ចូនតាមស៊ីក្លូមិនសូវមមាញឹកដូចមុន តែបានរួមចំណែកក្នុងការបម្រើវិស័យទេសចរណ៍មួយផ្នែក និង វិស័យបរិស្ថានមួយផ្នែក។
បន្ថែមពីនេះ លោកបានផ្តាំផ្ញើរសូមឱ្យមានលោកតាៗ ទាំងអស់ខិតខំថែទាំសុខភាពអោយបានល្អ និងបន្តចូលរួមអនុវត្តន៍ និងគោរពតាមគោលការណ៍ណែនាំរបស់រដ្ឋាភិបាល នូវវិធានការ ៣កុំ ៣ការពារ រស់នៅស្អាត ផឹកស្អាត និងចូលរួមថែរក្សាអនាម័យបរិស្ថានឲ្យបានគ្រប់គ្នា៕ដោយ៖សហការី
