កាសែត De Telegraaf របស់ប្រទេសហុល្លង់ដែលត្រូវបាន CNA ដកស្រង់យកមកផ្សាយបានរាយការណ៍ថា លោក Ronald Koeman នឹងត្រលប់មកធ្វើជាគ្រូបង្វឹកវិញនៅពេលដែលលោក Louis van Gaal ចាកចេញពីតួនាទីបន្ទាប់ពីការប្រកួតបាល់ទាត់ពិភពលោកនៅប្រទេសកាតានៅឆ្នាំនេះរួច។លោក Van Gaal ដែលបានបញ្ជាក់ជាយូរមកហើយថា គាត់នឹងចាកចេញបន្ទាប់ពីកម្មវិធីបាល់ទាត់ពិភពលោកនៅចុងឆ្នាំនេះបាននិយាយកាលពីសប្តាហ៍មុនថា គាត់កំពុងទទួលការព្យាបាលសម្រាប់ទម្រង់ធ្ងន់ធ្ងរនៃជំងឺមហារីកក្រពេញប្រូស្តាតរបស់គាត់។
លោក Koeman បានទទួលជោគជ័យរយៈពេល២ឆ្នាំកន្លះក្នុងនាមជាគ្រូបង្វឹកក្រុមជម្រើសជាតិ មុនពេលចាកចេញទៅចូលរួមជាមួយក្រុម Barcelona ក្នុងឆ្នាំ២០២០ ហើយខណៈដែលសមាគមបាល់ទាត់ហុល្លង់មិនទាន់បានប្រកាសថា លោក Van Gaal បានផ្តល់ការគាំទ្រដល់គាត់នៅឡើយទេ។លោក Van Gaal បាននិហាយថា “ពួកគេបានពិគ្រោះជាមួយខ្ញុំ ខ្ញុំមានពាក្យមួយនៅក្នុងនោះ វាមិនពិបាកនោះទេ។ មួយឆ្នាំមុន ខ្ញុំគឺជាគ្រូបង្វឹកតែម្នាក់គត់ដែលមានបទពិសោធន៍ ដែលឥឡូវនេះអនុវត្តចំពោះលោក Koeman។ គាត់នឹងក្លាយជាអ្នកស្នងតំណែងដ៏ល្អម្នាក់”។

 

លោក Koeman បានជួយហូឡង់ឡើងដល់វគ្គផ្តាច់ព្រ័ត្រ Euro 2020 បន្ទាប់ពីពួកគេបានខកខានការប្រកួតមុន និងបាត់បង់ឱកាសឡើងទៅកាន់ World Cup 2018 ហើយក៏បានឡើងទៅវគ្គផ្តាច់ព្រ័ត្រនៃ Nations League ដែលពួកគេបានចាញ់ព័រទុយហ្គាល់ ១-០។ លោកធ្លាប់ចំណាយពេល៦ឆ្នាំដ៏ជោគជ័យនៅក្រុម Barcelona ក្នុងនាមជាកីឡាករ ហើយគាត់ត្រូវបានបណ្តេញចេញពីគ្រូងបង្វឹកដោយក្លិបនេះកាលពីខែតុលាឆ្នាំមុន ៕ (រូបភាព ៖ Reuters/CNA)