ភ្នំពេញ៖ អ្នកគាំទ្រទំព័រហ្វេសប៊ុក(Facebook) សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលមកទល់ថ្ងៃទី២៩ ខែមេសា ឆ្នាំ២០១៦ មានចំនួនជាង៤លាននាក់ ។
សម្តេចតេជោហ៊ុន សែន បានថ្លែងយ៉ាងដូច្នេះថា៖ «ខ្ញុំសូមឆ្លៀតយកឱកាសនេះអរគុណជនរួមជាតិទាំងក្នុង និងក្រៅប្រទេស រួមទាំងមិត្តបរទេសដែលបានគាំទ្រទំព័រ Facebook ខ្ញុំ ដែលមកទល់ថ្ងៃទី ២៩ មេសា ២០១៦ នេះមានចំនួន ជាង៤លាន។ ចាប់តាំងពីខ្ញុំបានប្រើប្រាស់ Facebook គឺខ្ញុំបានទទួលព័ត៌មាន និងសុខទុក្ខពលរដ្ឋ ក៏ដូចជាមន្ត្រីរាជការ និងយុវជន បានកាន់តែរហ័សលឿន ដែលបានជួយដល់ខ្ញុំក្នុងការរកដំណោះស្រាយសមស្របទាន់ពេលវេលាដើម្បីជួយបងប្អូនជនរួមជាតិ។
ខ្ញុំសូមលើកទឹកចិត្តដល់បងប្អូនជនរួមជាតិដែលប្រើប្រាស់ Facebook សូមមានការទទួលខុសត្រូវ ហើយចូលរួមផ្សព្វផ្សាយនូវអ្វីដែលល្អមានប្រយោជន៌ដល់សង្គម និង ប្រទេសជាតិយើង ។ ខ្ញុំក៏សូមអរគុណបងប្អូនជនរួមជាតិដែលបានចូលរួម និងផ្តល់ព័ត៌មានតាមរយៈ Facebook អំពីតម្រូវការក្នុងការចែកចាយនិងផ្តល់ទឹកជូនបងប្អូនរងគ្រោះនៅទូទាំងប្រទេសមករដ្ឋាភិបាលបានទាន់ពេលវេលា។
ជាថ្មីម្តងទៀត សូមអរគុណ និងជូនពរបងប្អូនជនរួមជាតិជួបតែសេចក្តីសុខ និងសំណាងល្អជានិច្ច» ៕
ដោយ៖ សុវណ្ណារ៉ា
