ភ្នំពេញ៖ បេីយោងតាមសេចក្តីជូនដំណឹងរបស់ក្រសួងពាណិជ្ជកម្ម នៅព្រឹកថ្ងៃទី២ ខែឧសភា ឆ្នាំ២០២២នេះ បានចេញសេចក្តីប្រកាស ស្តីពីតម្លៃលក់រាយប្រេងឥន្ធនៈតាមស្ថានីយនានា ទូទាំងប្រទេសចាប់ពីថ្ងៃទី១ -១០ ខែឧសភា ឆ្នាំ២០២២។
ក្រសួងពាណិជ្ជកម្ម បានគូសបញ្ជាក់ថា៖ ផ្អែកតាមតម្លៃមធ្យមប្រេងឥន្ធនៈលើកទីផ្សាអន្តរជាតិថ្លៃ លក់រាយប្រេងឥន្ធនៈពីថ្ងៃទី០១ ដល់១០ ខែឧសភា ឆ្នាំ២០២២ នឹងត្រូវលក់៥.៤១០រៀល/១លីត្រ សម្រាប់សាំងធម្មតា EA92 និង ៥.៧៦០រៀល/លីត្រ សម្រាប់ប្រេងម៉ាស៊ូត។
គួរជម្រាបថា ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈ នៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៤សេនដុល្លារ/លីត្រ។
ដូច្នេះថ្លៃលក់រាយប្រេងឥន្ធនៈសម្រាប់អនុវត្ត ចាប់ពីថ្ងៃទី០១ ដល់១០ ខែឧសភា ឆ្នាំ២០២២ នឹងចុះមក ៥.២៥០រៀល /លីត្រ សម្រាប់សាំងធម្មតា EA92 និង៥.៦០០រៀលសម្រាប់ប្រេងម៉ាស៊ូតDO50ppm៕
ដោយ៖សហការី
