ខេត្តពោធិ៍សាត់ ៖ ព្រឹកថ្ងៃសៅរ៍ ៧កើត ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី៧ ខែឧសភា ឆ្នាំ២០២២ នេះ ចៅក្រមស៊ើបសួរនៃសាលាដំបូងខេត្តពោធិ៍សាត់ បានសម្រេចចេញដីកាបង្គាប់ឲ្យឃុំខ្លួនបណ្ដោះអាសន្ន លេខ២៩៤ ឃ.ខ ២២ ចុះថ្ងៃទី៧ ខែឧសភា ឆ្នាំ២០២២ ដោយដាក់ឲ្យស្ថិតក្រោមការពិនិត្យពីបទៈ លួច បន្ទាប់ជននេះត្រូវបានសមត្ថកិច្ចនគរបាលស្រុកកណ្ដៀងធ្វើការឃាត់ខ្លួនបញ្ជូន ។

យោងដីកាលោក ចៅក្រមស៊ើបសួរខាងលើ ជនដាក់ឲ្យស្ថិតក្រោមការពិនិត្យនិង ឈ្មោះ សង មុិច ភេទប្រុស អាយុ ២៥ឆ្នាំ ជនជាតិខ្មែរ មុខរបរ ជាងដែក ទីកន្លែងកំណើត ភូមិតាស្ដី ឃុំវាល ស្រុកកណ្ដៀង ខេត្តពោធិ៍សាត់ ទីលំនៅបច្ចុប្បន្ន ភូមិតាស្ដី ឃុំវាល ស្រុកកណ្ដៀង ខេត្តពោធិ៍សាត់ ជននេះត្រូវបានដាក់ឲ្យស្ថិតក្រោមការពិនិត្យពីបទៈ លួច ប្រព្រិត្តនៅភូមិស្ថានីយ ឃ្វាល ស្រុកកណ្ដៀង ខេត្តពោធិ៍សាត់ កាលពីថ្ងៃទី៤ ខែឧសភា ឆ្នាំ២០២២ កន្លងទៅ តាមមាត្រា ៣៥៣ និងមាត្រា៣៥៦ នៃក្រមព្រហ្មទណ្ឌ ។

ដីកាដដែលឃើញថា ហេតុដូច្នេះសម្រេច បញ្ជាឲ្យភ្នាក់ងារមានសមត្ថកិច្ចនៃកម្លាំងសាធារណៈ ធ្វើការខ្លួនជនត្រូវចោទដែលមានឈ្មោះ សង ម៉ិច ភេទប្រុស មានសាវតាជាតិដូចខាងលើ ទៅពន្ធនាគារខេត្តពោធិ៍សាត់ ដោយអនុវត្តឲ្យបានត្រឹមត្រូវតាមនីតិវិធីនៃច្បាប់ ៕

ដោយ ប៉ឹម ពិន