ភ្នំពេញ៖ យោងតាមរបាយការណ៍របស់នគរបាលខណ្ឌដូនពេញ នៅព្រឹកថ្ងៃអង្គារទី២៤ ខែឧសភា ឆ្នាំ២០២២នេះថា៖ កម្លាំងជំនាញផ្នែកព្រហ្មទណ្ឌខណ្ឌដូនពេញ បានឃាត់ខ្លួនជនសង្ស័យជាស្ត្រីម្នាក់ពាក់ព័ន្ធករណីចោរកម្ម(លួចរថយន្ត)។
ករណីឃាត់ខ្លួនជនសង្ស័យខាងលេីនេះ បានធ្វេីឡើងនៅចំណុចមុខកន្លែងផ្ញេីរឡានម៉ូតូ T3 ផ្លូវ 154 ភូមិ 5 សង្កាត់ជ័យជំនះ ខណ្ឌដូនពេញ រាជធានីភ្នំពេញ កាលពីវេលាម៉ោង ៦ព្រឹកថ្ងៃទី២៣ ខែឧសភា ឆ្នាំ២០២២ ។
ជនសង្ស័យឈ្មោះ អ៉ឹម រតនា ហៅឡែន ភេទស្រី អាយុ ៣៨ឆ្នាំ មុខរបរ និងទីលំនៅមិនពិតប្រាកដ។
វត្ថុតាងដកហូត ៖ រថយន្តម៉ាកToyota VIOS ពណ៏ទឹកប្រាក់ លេខម៉ាស៉ីន INR5177853 លេខតួ F3501034432 ស្លាកលេខ ភ្នំពេញ 2AS-0194 ផលិតឆ្នាំ2018។
ក្រោយពីបានសួរនាំរួច ជនសង្ស័យបានសារភាពថា ខ្លួនពិតជាលួចរថយន្តស្ថិតនៅចំណុចសណ្ឋានគារ APPLE បុរីញូថោន ផ្លូវសហពន្ធ័រុស្សី ភូមិព្រៃទា ២ សង្កាត់ចោមចៅ ៣ ខណ្ឌពោធ៏សែនជ័យ។ ភ្លាមនោះកម្លាំងជំនាញរបស់អធិការដ្ឋានខណ្ឌដូនពេញ បានទាក់ទងទៅប៉ុស្តិ៏នគរបាលរដ្ឋបាលចោមចៅ ៣។
ក្រោយពីមានពាក្យបណ្តឹងរបស់ជនរងគ្រោះ អធិការដ្ឋាន នគរបាលខណ្ឌដូនពេញ បានប្រគល់ជនសង្ស័យរួមនឹងវត្ថុតាងអោយអធិការដ្ឋាននរបាលខណ្ឌពោធិ៏សែនជ័យ ដេីម្បីសួរនាំ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ៕
ដោយ៖ អរុណរះ
