ភ្នំពេញ៖ ជនសង្ស័យចំនួន២នាក់ត្រូវបានសមត្ថកិច្ចធ្វេីការឃាត់ខ្លួនយកទៅសួរនាំពាក់ព័ន្ធករណីរក្សាទុកអាវុធខុសច្បាប់ ដោយកម្លាំងសមត្ថកិច្ចដកហូតបានកាំភ្លេីងខ្លីមួយដេីម។
ការឃាត់ខ្លួនជនសង្ស័យនេះបានធ្វេីឡេីងកាលពីវេលាម៉ោង១រំលងអធ្រាត្រឈានចូលថ្ងៃទី២៦ ខែឧសភា ឆ្នាំ២០២២ នៅចំណុចផ្ទះល្វែងមួយកន្លែងក្នុងភូមិប៉ប្រកជេីង សង្កាត់កាកាបទី១ ខណ្ឌពោធិ៍សែនជ័យ។
ជនសង្ស័យទី១ឈ្មោះវង់ សេរីភូមិ ភេទប្រុស អាយុ២២ឆ្នាំ មុខរបរជាងជួសជុលរថយន្ត ស្នាក់នៅភូមិកាកាប សង្កាត់កាកាបទី២ ខណ្ឌពោធិ៍សែនជ័យ។
ជនសង្ស័យទី២ឈ្មោះទុយ សុវណ្ណរិទ្ធ ភេទប្រុស អាយុ១៥ឆ្នាំ ស្នាក់នៅភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ។
សម្ភារដកហូតបានមាន៖ កាំភ្លេីងខ្លីមួយដេីមម៉ាករ៉ូឡូ និងម៉ូតូមួយគ្រឿង ។
តាមរបាយការណ៍របស់សមត្ថកិច្ចបានឱ្យដឹងថា មុនឃាត់ខ្លួនជនសង្ស័យខាងលេី មានប្រជាពលរដ្ឋបានរាយការណ៍ប្រាប់ថាមានករណីវាយតប់គ្នាហើយពេលសមត្ថកិច្ចចុះទៅដល់កន្លែងកេីតហេតុក៏ឃេីញជនសង្ស័យទាំង២ ទេីបសុំធ្វេីការឆែកឆេរលេីដងខ្លួន ពេលនោះក៏ឃេីញកាំភ្លេីងខ្លីមួយដេីម។
ក្រោយឃាត់ខ្លួន ជនសង្ស័យត្រូវបានសមត្ថកិច្ចបញ្ជូនទៅកាន់អធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមនីតិវិធី៕
ដោយ៖សុខាសែនជ័យ
