ខេត្តប៉ៃលិន÷ ជនសង្ស័យ២
នាក់ត្រូវបានសមត្តកិច្ចចុះល្បាតចាប់ឃាត់ខ្លួននៅវេលាម៉ោង ២១និង ៣០ នាទី ថ្ងៃទី៣០ ខែឧសភា ឆ្នាំ២០២២ កម្លាំងប្រជាការពារភូមិបឹងព្រលឹតបាន
សហការជាបុ៉ស្ថិ៍ឃុំស្ទឹងកាច់ចុះយាមល្បាតក៏ប្រទះឃើញជនសង្ស័យ
២នាក់កំពុងជិះម៉ូតូធ្វើសកម្មភាពនៅចំណុចជ្រោះមរណ: ក៏បានឃាត់ខ្លួនជនសង្ស័យ០
២នាក់នេះនិង ជិះម៉ូតូម៉ាកសង់ឌ្រីមពណ៌ក្រហមផលិតឆ្នាំ២០២១ រួចឆែកឆេរលេីខ្លួន អ៊ុន វិសាល រកឃើញម្សៅក្រាមសថ្លាសង្ស័យមានថ្នាំញៀនចំនួន ០៣កញ្ចប់ (កញ្ចប់តូចចំនួន ០២កញ្ចប់ និងកញ្ចប់ធំចំនួន ០១កញ្ចប់ )។
ក្រោយមកកម្លាំងយាមនៅគោលដៅជ្រោះមរណ: បានប្រគល់ជនសង្ស័យទាំង ០២នាក់ មកកាន់ផែនប្រឆាំងគ្រឿងញៀន នៃអធិការដ្ឋាននគរបាលស្រុកសាលាក្រៅដើម្បីចាត់ការតាមនីតិវិធី។
បានឃាត់ខ្លួនជនសង្ស័យចំនួន ០២ នាក់ ពាក់ព័ន្ធក្នុងករណីជួញដូរ ដឹកជញ្ជូន រក្សាទុក និងប្រេីប្រាស់ដោយខុសច្បាប់នូវសារធាតុញៀនមានឈ្មោះដូចខាងក្រោម៖
១-ឈ្មោះ អ៊ុន វិសាល ភេទប្រុស អាយុ ១៦ឆ្នាំ ទីលំនៅបច្ចុប្បន្ន ភូមិភ្ជាវ ឃុំត្រែង ស្រុករតនៈមណ្ឌល ខេត្តបាត់ដំបង។
២-ឈ្មោះ រឿង ឡេង ភេទប្រុស អាយុ ១៩ឆ្នាំ ទីលំនៅបច្ចុប្បន្នភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
សមត្តកិច្ចជំនាញបានបន្តថា÷ ករណីដែលសមត្តកិច្ចឆែកឆេរខ្លួនជនសង្ស័យក៏បានដកហូតវត្ថុតាងមាន៖
១-ម្សៅក្រាមសថ្លាសង្ស័យជាសារធាតុញៀនចំនួន ០៣កញ្ចប់ តូចចំនួន ០២កញ្ចប់ និងកញ្ចប់ធំចំនួន ០១កញ្ចប់ ទម្ងន់ ១២.៦៤ក្រាម ថ្នាំសុទ្ធ
២-ទូរស័ព្ទដៃម៉ាកណូគាចុចពិលចំនួន ០១ គ្រឿង
៣-ម៉ូតូម៉ាកហុងដាឌ្រីមពណ៌ក្រហម សេរីឆ្នាំ២០២១ ពាក់ស្លាកលេខ ប៉ៃលិន 1D-4124 ចំនួន ០១គ្រឿង ។
បច្ចុប្បន្ន៖ ជនសង្ស័យទាំង ០២នាក់ ខាងលើត្រូវបានឃាត់ខ្លួន និងវត្ថុតាងត្រូវបានដកហូតជាបណ្តោះ
អាសន្ន នៅអធិការដ្ឋាននគរបាលស្រុកសាលាក្រៅ ដើម្បីចាត់ការតាមនីតិវិធីច្បាប់ ៕
ដោយ៖ស សារ៉េត
