ភ្នំពេញ៖ បុរសស្រវឹងម្នាក់បានរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភា្លមៗ ខណៈជិះម៉ូតូបោះពួយយ៉ាងលឿន គេចរថយន្តបើកបញ្ច្រាស់ទឹសគ្នាបណ្តាលអោយដួលរងរបួសធ្ងន់ ។
ហេតុការណ៍នេះបានបង្គអោយមានការភ្ញាក់ផ្អើលកាលពីវេលម៉ោង៧ និង៤០នាទីយប់ថ្ងៃទី ៩ ខែឧសភា ឆ្នាំ ២០១៦ តាមបណ្តោយផ្លូវជាតិលេខ៣ស្ថិតក្នុងភូមិ ក្រាំងដូនតី សង្កាត់ចោមចៅ ខណ្ឌពោធិសែនជ័យ ។
ជនរងគ្រោះមិនត្រូវបានស្គាល់អត្តសញ្ញាណទេ ភេទប្រុស អាយុប្រហែល៣០ឆ្នាំ ជិះម៉ូតូមួយគ្រឿងម៉ាកហុងដាអាយខន ពណ៍ផ្កាឈូកលាយទឹកក្រូច ពាក់ស្លាកលេខ កំពត 1O- 2104 រងរបួសបែកមុខមាត់ សន្លប់នៅហ្នឹងកន្លែង ចំណែករថយន្តបង្ករម៉ាក ហុីយ៉ាន់ដាយ ពណ៍លឿង មិនស្គាល់ស្លាកលេខ បានបើករត់គេចបាត់ស្រមោល ។
តាមសាក្សីនៅកន្លែងកើតហេតុអោយដឹងថា មុនពេលកើតហេតុគេបានឃើញជនរងគ្រោះជិះម៉ូតូតែម្មាក់ឯងក្នុងល្បឿនលឿន ទឹសដៅពីត្បូងទៅជើងតាមបណ្តោយផ្លូវជាតិលេខ៣ ពេលមកដល់ចំណុចកើតហេតុរថយន្តបង្កដែលធ្វើដំណើរបញ្ច្រាស់ទឹសគ្នាបានបត់ស្តាំភ្លាមៗ ធ្វើអោយម៉ូតូជនរងគ្រោះចាប់ហ្វ្រាំងមិនទាន់ដួលរបួសខ្លួនឯងទៅ ។
ក្រោយពេលកើតហេតុជនរងគ្រោះត្រូវរថយន្តរបស់អង្គភាព ៧១១ ដឹកយកទៅព្យាបាលនៅមន្ទីរពេទ្យលោកសង្ឃ ឯម៉ូតូត្រូវបងប្អូនជនរងគ្រោះធ្វើការធានាយកទៅផ្ទះវិញ ៕
ដោយ៖ សុខាសែនជ័យ
