ភ្នំពេញ៖ មនុស្សប្រុសស្រីចំនួន៧នាក់បាននាំគ្នាមកអង្គុយផឹកសុីនៅលើផ្លូវដែកហើយពេលស្រវឹងធ្វើឱ្យចិត្តរបស់គេខ្លាំង
ខណៈឃើញរថភ្លេីងបើកមកជិតដល់ហើយពួកគេមិនព្រមងើបចេញទេរហូតត្រូវរថភ្លើងកិនដាច់ជើង៣នាក់រងរបួសធ្ងន់ ចំណែក៤នាក់ទៀតខ្ទាតចេញគ្រាន់តែរងរបួសស្រាល។
ហេតុការណ៍ខាងលេីបានកេីតឡេីងកាលពីវេលាម៉ោង៨និង៣០នាទីថ្ងៃទី២៤ ខែកក្កដា ឆ្នាំ ២០២២ ស្ថិតក្នុងភូមិកន្ទោកជេីង សង្កាត់កន្ទោក ខណ្ឌកំបូល រាជធានីភ្នំពេញ ។
តាមប្រភពព័ត៌មានបានឱ្យដឹងថា មុនពេលកេីតហេតុមានមនុស្សចំនួន៧នាក់(ស្រីម្នាក់)បាននាំគ្នាទិញស្រាបៀរមកអង្គុយផឹកស៊ីនៅលេីផ្លូវដែកខណៈស្រវឹងស្រឿងៗធ្វើឱ្យចិត្តក្លាហាន ពេលឃើញរថភ្លេីងមួយខ្សែបេីកជិតមកដល់ស៊ីផ្លេផង បេីកភ្លេីងហ្វាផង នៅតែពួកគេមិនព្រមងើបចេញ ទេីបរថភ្លេីងបុក កិនបណ្តាលឱ្យមនុស្សស្រីម្នាក់និងប្រុស២នាក់រងរបួសដាច់ដៃដាច់ជេីង ចំណែកមិត្តភក្តិ៤នាក់ទៀតខ្ទាតចេញគ្រាន់តែរងរបួសស្រាល ។
ក្រោយកេីតហេតុរថភ្លេីងក៏បានបន្តដំណេីរទៅបាត់ទៅ ដោយឡែកជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ៕
ដោយ៖សុខាសែនជ័យ
