ក្លិប Fenerbahce ត្រូវបានពិន័យដោយសហព័ន្ធបាល់ទាត់ទ្វីបអឺរ៉ុប UEFA បន្ទាប់ពីអ្នកគាំទ្ររបស់ក្លិបនេះបានស្រែកចំឈ្មោះប្រធានាធិបតីរុស្ស៊ីលោក Vladimir Putin ក្នុងអំឡុងពេលប្រកួតជម្រុះ Champions League កាលពីខែកក្កដា ដោយFenerbahce ចាញ់ក្រុម Dynamo Kyiv របស់អ៊ុយក្រែន។

UEFA បានប្រកាសថា ក្លិបទួរគី Fenerbahce ត្រូវបានពិន័យជាប្រាក់ចំនួន៥០,០០០អឺរ៉ូ (៤២,០០០ផោន) និងបានផ្តល់ការបិទកីឡដ្ឋានមួយផ្នែក (យ៉ាងហោចណាស់៥,០០០កៅអី) សម្រាប់ការប្រកួតនៅអឺរ៉ុបបន្ទាប់របស់ក្រុមនេះដោយផ្អាកមួយផ្នែករយៈពេល២ឆ្នាំ។ ការដាក់ទណ្ឌកម្មនេះគឺសម្រាប់ “ការគប់វត្ថុ និងបញ្ជូនសារបង្កហេតុនៃការប្រមាថ ពោលគឺការពោលពាក្យខុសច្បាប់“។

 អ្នកគាំទ្រក្លិប Fenerbahce រាប់ពាន់នាក់បានចូលរួមនៅក្នុងការស្រែកច្រៀង បន្ទាប់ពីក្រុមរបស់ពួកគេបានស៊ុតបញ្ចូលទី១គ្រាប់ទៅឱ្យក្រុមជើងឯកលីកកំពូលអ៊ុយក្រែន Dynamo Kyiv ។

ការស្រែកច្រៀងរបស់អ្នកគាំទ្រហាក់ដូចជាត្រូវបានផ្ទុះឡើងបន្ទាប់ពីខ្សែបម្រើ Vitaliy Buyalskyi របស់ក្រុម Dynamo អបអរការផ្តល់ឱ្យក្រុមរបស់គាត់នាំមុខដោយធ្វើកាយវិការឥន្ទ្រីដោយដៃទាំងពីររបស់គាត់ដែលធ្វើឲ្យអ្នកគាំទ្រមួយចំនួនជឿថា ជាការងក់ក្បាលចំពោះគូប្រជែងរបស់ក្រុម Fenerbahce។ នៅពេលនោះក្លិប Fenerbahce បានអះអាងថា សកម្មភាពរបស់អ្នកគាំទ្រមិនតំណាងឱ្យក្លិប ឬជំហរសាជីវកម្មរបស់ខ្លួនតាមរបៀបណាមួយឡើយ ។

សេចក្តី ថ្លែងការណ៍ មួយ បាន សរសេរ ថា “ យើង រំឭក សាធារណជន ម្ដង ទៀត អំពី ជំហរ របស់ យើង ថា កីឡា និង នយោបាយគួរ តែ រក្សា ឲ្យ ដាច់ ពី គ្នា ជានិច្ច”។

គ្រូបង្វឹករបស់ក្រុម Dynamo លោក Mircea Lucescu បានប្រាប់អ្នកសារព័ត៌មានក្រោយការប្រកួតថា “កីឡាមិនអាចទទួលយកអាកប្បកិរិយារបស់អ្នកគាំទ្របានទេ។ ខ្ញុំ មិន បាន រំពឹង ថា នឹង មាន ការស្រែកច្រៀង បែប នេះ ទេ វា ជា ការ អាណិត មួយឬយ៉ាងណា” ។

លោក Lucescu ដែលជាអតីតអ្នកចាត់ការទូទៅរបស់ក្រុមជម្រើសជាតិទួរគី ក្រោយមកបានបដិសេធមិនចូលរួមសន្និសីទសារព័ត៌មានក្រោយការប្រកួត ក្នុងការតវ៉ាជុំវិញទង្វើរបស់អ្នកគាំទ្រ។ ចំណែកឯកអគ្គរដ្ឋទូតអ៊ុយក្រែនលោក Vasyl Bodnar បាននិយាយថា ឧបទ្ទវហេតុនេះបានធ្វើឱ្យគាត់សោកស្តាយយ៉ាងខ្លាំង ។

 គួររំលឹកថា ក្រុម Dynamo Kyiv បានឈ្នះការប្រកួតក្នុងទីក្រុង Istanbul ប្រទេសទួរគីក្នុងលទ្ធផល ២–១ កាលពីថ្ងៃទី២៧ខែកក្កដាកន្លងទៅក្នុងជើងទី២ ខណៈដែលជើងទី១ទទួលបានលទ្ធផលស្មើ ០–០ ដែលលេងក្នុងប្រទេសប៉ូឡូញដោយសារតែការឈ្លានពានរបស់រុស្ស៊ីមកលើអ៊ុយក្រែនមិនអាចប្រកួតក្នុងទឹកដីនេះបាន ៕ (រូបភាព ៖ BBC Sport)