ភ្នំពេញ៖ បេីយោងតាមប្រភពព័ត៍មានពីរបាយការណ៍របស់អធិការដ្ឋាននគរបាលខណ្ឌបឹងកេងកង បានឱ្យដឹងនៅព្រឹកថ្ងៃព្រហស្បតិ៍ទី១១ ខែសីហា ឆ្នាំ២០២២នេះថា៖ កំម្លាំងជំនាញព្រហ្មទណ្ឌ សហការជាមួយកម្លាំងប៉ុស្ដិ៍នគរបាលរដ្ឋបាលអូឡាំពិក បានធ្វើការឃាត់ខ្លួនជនសង្ស័យចំនួន០១នាក់ ពីបទ៖លួច(ទូរស័ព្ទដៃចំនួន០២គ្រឿង) កាលពីវេលាម៉ោង០៩ និង៣០នាទីថ្ងៃទី១០ ខែសីហាម្សិលមិញនេះ នៅចំណុចមុខផ្ទះលេខ៦៣ ផ្លូវ២៨០ភូមិ៤ សង្កាត់អូឡាពិក ខណ្ឌបឹងកេងកង រាជធានីភ្នំពេញ។
របាយការណ៍ដដែលបន្តថា ជនសង្ស័យដែលកម្លាំងជំនាញឃាត់ខ្លួនឈ្មោះ ម៉ុក មើយ ភេទប្រុស អាយុ៣១ឆ្នាំ ជនជាតិខ្មែរទីលំនៅមិនពិតប្រាកដ មុខរបរ: មិនពិតប្រាកដ (មានសារធាតុញៀន) ។
ចំណែកជនរងគ្រោះឈ្មោះ វីន យ៉ាងអាំភេទប្រុស អាយុ៧១ឆ្នាំ ជនជាតិខ្មែរ ទីលំផ្ទះជួលលេខ៦៣ ផ្លូវ២៨០ សង្កាត់អូឡាំពិក ខណ្ឌបឹងកេងកង រាជធានីភ្នំពេញ មុខរបរលក់ដូរ។
រីឯវត្ថុតាងចាប់យករួមមាន៖
– ទូរស័ព្ទដៃម៉ាក IPhone ៦plusពណ៍ទឹកប្រាក់ (ជារបស់ជនរងគ្រោះ)
-ទូរស័ព្ទដៃម៉ាកNOKIAអិនចុចពិល ពណ៍ខ្មៅ (ជារបស់ជនរងគ្រោះ)។
ក្រោយឃាត់ខ្លួនជនសង្ស័យ រួមនិងវត្ថុតាង កម្លាំងជំនាញបានប្រគល់ឱ្យជនរងគ្រោះវិញ តាមពាក្យស្នើរសុំដោយមានការឯកភាពពីលោក សាយ ណូរ៉ា ព្រះរាជអាជ្ញារងអមសាលាដំបូងរាជធានីភ្នំពេញ៕
ដោយ៖សហការី
