គ្រូបង្វឹកលោក Julian Nagelsmann បាននិយាយកាលពីថ្ងៃសុក្រ ទី១៩ សីហាថា អ្នកស៊ុតបញ្ចូលទីនាំមុខគេរបស់ក្រុម Bayern Munich គឺកីឡាករ Jamal Musiala ទំនងជានឹងខកខានការប្រកួត Bundesliga នៅថ្ងៃអាទិត្យជាមួយក្រុម VfL Bochum ជាមួយនឹងរបួសសាច់ដុំ។

 កីឡាករសញ្ជាតិអាឡឺម៉ង់វ័យ១៩ឆ្នាំរូបនេះដែលបានស៊ុតបញ្ចូលទី៣គ្រាប់ក្នុងការប្រកួតលីកចំនួន២ លើក និងបន្ថែម១គ្រាប់ទៀតនៅក្នុងការឈ្នះពានរង្វាន់ German Super Cup របស់ពួកគេលើក្រុម RB Leipzig កំពុងសម្រាកព្យាបាលរបួសសាច់ដុំ ហើយបង្ហាញខ្លួនរបស់គាត់អាចនឹងអវត្តមានច្រើនប្រកួត។

 លោក Nagelsmann បានប្រាប់សន្និសីទសារព័ត៌មានថា “ប្រសិនបើវាជាការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League គាត់នឹងលេង ព្រោះមានការសម្រាកនៅពេលក្រោយ។ ប៉ុន្តែប្រសិនបើយើងមិនប្រុងប្រយ័ត្ន នោះគាត់អាចបញ្ចប់ដោយការសម្រាករយៈពេលមួយសប្តាហ៍ជាមួយនឹងសរសៃសាច់ដុំរហែក។ ប្រសិនបើគាត់លេងប៉ះក្រុម Bochum ហើយរងរបួសបន្ទាប់ពី២០នាទី នោះគាត់នឹងអវត្តមានយូរជាងនេះ“។

ក្រុម Bayern Munich បានឈ្នះការប្រកួតក្នុងលីកចំនួន២របស់ពួកគេមកទល់ពេលនេះ ដើម្បីឈរនៅលើកំពូលតារាង ខណៈដែលពួកគេស្វែងរកជើងឯក Bundesliga ជាលើកទី១១ជាប់ៗគ្នា។

លោក Nagelsmann បានអះអាងថា កីឡាករចំណូលថ្មី Mathijs de Ligt ក៏អាចនឹងអវត្តមានផងដែរបន្ទាប់ពីមានរបួសដៃ ប៉ុន្តែស្ថានភាពមិនធ្ងន់ធ្ងរនោះទេ ខណៈដែល Serge Gnabry ក៏កំពុងសម្រាកព្យាបាលរបួសដៃ និងកំពុងសម្រាកព្យាបាលផងដែរ។

 ទោះជាយ៉ាងនេះក្តី ខ្សែការពារ Dayot Upamecano គួរតែត្រៀមខ្លួនរួចរាល់ហើយ បន្ទាប់ពីអវត្តមានកីឡាករមួយចំនួនខាងលើ។ក្រុម Bayern Munich មាន៦ពិន្ទុដូចក្រុមលេខ២ Borussia Dortmund ដែលនឹងត្រូវប៉ះក្រុម Werder Bremen នៅថ្ងៃសៅរ៍នេះ ៕ (រូបភាព ៖ Reuters/CNA)