ខេត្តស្វាយរៀង: ជនសង្ស័យម្នាក់ត្រូវបានសមត្ថកិច្ចនគរបាលឃាត់ខ្លួនក្នុងករណីលួចទូរសព្ទដៃចំនួន២គ្រឿងម៉ាកOPPOនិងម៉ាកsamsung។

ការឃាត់ខ្លួននេះធ្វើឡើងនៅវេលាម៉ោង៥និង៣០នាទីល្ងាចថ្ងៃទី១៩ខែសីហាឆ្នាំ២០២២នៅចំណុចភូមិស្វាយរំពា ឃុំសង្កែ ស្រុករំដួល។

យោងតាមសមត្ថកិច្ចនគរបាលស្រុកបានអោយដឹងថាជនសង្ស័យមានឈ្មោះប៉ែន កៅ អាយុ២២ឆ្នាំមុខរបរមិនពិតប្រាកដ រស់នៅភូមិស្វាយរំពា ឃុំសង្កែ ស្រុករំដួល។

ចំណែកម្ចាស់រងគ្រោះមានឈ្មោះភា ដួងដារា ភេទប្រុស អាយុ៤៣ឆ្នាំរស់នៅ ភូមិឃុំកើតហេតុខាងលើ។

ចំណែកទូរសព្ទដែលដកហូតបានពីជនសង្ស័យបានមកវិញចំនួន២គ្រឿងម៉ាកOPPOនិងម៉ាកsamsung។
ក្រោយមកសមត្ថកិច្ចនគរបាលបាននាំខ្លួនមកសាកសួរនិងធ្វើតេសទឹកម៉ូតជាលទ្ធផលរកឃើញសារធាតុញៀនវិជ្ជមានផងដែរ។

បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួននៅអធិការនគរបាលស្រុកកសាងសំនុំរឿងចាត់ការបន្តតាមច្បាប់៕

ដោយ៖ សុថាន