ក្លិបតោខៀវ Chelsea ត្រៀម ធ្វើ កិច្ចព្រមព្រៀង ដែល មាន តម្លៃ រហូត ដល់ ទៅ៦០លាន ផោន សម្រាប់កីឡាករ Anthony Gordon ខណៈ ក្លិប បន្ត សាកល្បង ការ សម្រេច ចិត្ត របស់ក្លិប Everton ក្នុងការផ្ទេរ ខ្សែបម្រើ ស្លាបរូបនេះ។ Chelsea មានឆន្ទៈផ្តល់ជូន Everton នូវកញ្ចប់មួយដែលមានការធានាចំនួន៥០លានផោនជាមួយនឹងបន្ថែម១០លានផោនបន្ថែមសម្រាប់កីឡាករវ័យ២១ឆ្នាំរូបនេះដែលបានលេចចេញជាគោលដៅឈានមុខគេរបស់ពួកគេនៅក្នុងទីផ្សារដោះដូរកីឡាករដែលនៅសល់។

វិធីសាស្រ្តចុងក្រោយរបស់ក្លិប Chelsea គឺជាវិធីមួយដែលត្រូវបានគេយល់ថា បានធ្វើឱ្យក្លិបទាំងពីរកាន់តែខិតទៅជិតកិច្ចព្រមព្រៀងមួយ ហើយក្តីសង្ឃឹមរបស់ក្លឹប Londoners ក្នុងការនាំយកបុរសរបស់ពួកគេកាន់តែកើនឡើងបន្ទាប់ពី Everton បានទម្លាក់សំណើរពីមុនមក។ Everton ចង់បានតម្លៃលើសពី៥០លានផោនសម្រាប់ខ្សែប្រយុទ្ធអង់គ្លេសអាយុក្រោម២១ឆ្នាំ Gordon ដែលចង់ផ្លាស់ទៅកីឡដ្ឋាន Stamford Bridge ។

ក្លិប Everton បានបោះជំហ៊ានរបស់ពួកគេចំពេល Chelsea បង្កើនការផ្តល់ជូនដោយបានរារាំងការចាប់អារម្មណ៍ពី Tottenham និង Newcastle កាលពីដើមរដូវក្តៅ ដោយក្លិប Everton បានបដិសេធចំពោះការចរចាពី Chelsea ចំនួន៤ដងរួចទៅហើយ។

 ការផ្លាស់ទៅ Chelsea នឹងផ្តល់ឱកាសឱ្យ Gordon បានលេងបាល់ទាត់ក្របខ័ណ្ឌ Champions League និងជំរុញការរំពឹងទុកនៅអង់គ្លេសរបស់គាត់។ Gordon បានតំណាងឱ្យក្រុមប្រទេសអង់គ្លេសចាប់ពីអាយុក្រោម១៨ឆ្នាំដល់កម្រិតអាយុក្រោម២១ឆ្នាំ។គាត់បានចូលទៅក្នុងក្រុមក្រោមការដឹកនាំរបស់លោក Lee Carsley កាលពីខែវិច្ឆិកាឆ្នាំមុន ហើយបានស៊ុតបាល់បញ្ចូលទីចំនួន៤គ្រាប់ក្នុងការបង្ហាញខ្លួនត្រឹមតែ៧ដងនៅក្រុមក្រោមអាយុ២១ឆ្នាំ ៕ (រូបភាព ៖ dailymail.com)