ក្លិបសារិកាព្រៃ Newcastle United បានយល់ព្រមលើកិច្ចព្រមព្រៀងកំណត់ត្រាក្លិបជាមួយក្លិប Real Sociedad សម្រាប់ខ្សែប្រយុទ្ធសញ្ជាតិស៊ុយអែត Alexander Isak។ នេះបើយោងតាមការចេញផ្សាយរបស់ប្រព័ន្ធផ្សព្វផ្សាយ 90min.com នៅថ្ងៃទី២៥ ខែសីហានេះ។

Isak បានស្ថិតនៅលើរ៉ាដារបស់ Newcastle ជាយូរណាស់មកហើយ ដូចដែលគេបានដឹងកាលពីខែកក្កដា ប៉ុន្តែក្លិប Sociedad បានបដិសេធមិនអនុញ្ញាតឱ្យគាត់ចាកចេញនៅរដូវក្តៅនេះ លុះត្រាតែតម្លៃរបស់ពួកគេត្រូវបានឆ្លើយតប។

 ឥឡូវនេះក្លិប Newcastle បានឃើញការផ្តល់ជូនដែលមានតម្លៃ៧០លានអឺរ៉ូ(៥៩លានផោន) បូក៥លានអឺរ៉ូនៅក្នុងកិច្ចព្រមព្រៀងនិងរួមទាំងថ្លៃលក់១០% ដែលទទួលយកដោយក្លិប Real Sociedad ។

 Isak មានលក្ខខណ្ឌផ្ទេរ៩០លានអឺរ៉ូ (៧៦លានផោន) ពីកិច្ចសន្យាដែលគាត់បានចុះហត្ថលេខានៅឆ្នាំ២០២១ ប៉ុន្តែ Real Sociedad បានចាត់ទុកសំណើរបស់ Newcastle មិនត្រូវអ្វីដែលចង់បាន ។

Newcastle បាននិងកំពុងរៀបចំផែនការនាំយកខ្សែប្រយុទ្ធម្នាក់ទៀតនៅរដូវក្ដៅ ហើយបាននិងកំពុងធ្វើការដើម្បីថវិកា ប៉ុន្តែឥឡូវនេះពួកគេបានរុញច្រានរឿងនោះដើម្បីធ្វើការផ្លាស់ប្តូររបស់ពួកគេសម្រាប់ Isak ។ Callum Wilson កីឡាករទី៩បច្ចុប្បន្នរបស់ Newcastle បានចាប់ផ្តើមរដូវកាលនេះក្នុងទម្រង់លេងដ៏ល្អ ប៉ុន្តែរបួសដែលអាចកើតមានតែងតែជាកង្វល់ ហើយគាត់បានមានបញ្ហាសរសៃពួររួចហើយ។

 ឥឡូវនេះលោក Eddie Howe បានដាក់គោលដៅលើការផ្លាស់ប្តូរសម្រាប់ Isak ដែលជាកីឡាករដែលគាត់ចូលចិត្តចាប់តាំងពីគាត់បានចូលកាន់តំណែងកាលពីរដូវកាលមុន ខណៈដែល Newcastle សម្លឹងមើលទៅលើការចាប់ផ្តើមដ៏ល្អក្នុងយុទ្ធនាការថ្មី រួមទាំងការស្មើ ៣–៣ ជាមួយក្រុមជើងឯក Manchester City កាលពីថ្ងៃអាទិត្យ។

 Newcastle សង្ឃឹមថានឹងបញ្ចប់ការផ្លាស់ប្តូររបស់ Isak មុនពេលចុងសប្តាហ៍ខាងមុខនេះ។ ក្រុមនេះក៏នៅតែស្ថិតក្នុងទីផ្សារសម្រាប់ខ្សែបម្រើស្លាប និងខ្សែបម្រើដ៏ល្អមួយរូប ប៉ុន្តែនៅតែត្រូវមើលថា តើថវិកានឹងនៅសល់ប៉ុន្មាន បើទោះជាទីផ្សារកម្ចីនៅតែជាជម្រើសសម្រាប់ក្លិបក៏ដោយ ៕ (រូបភាព ៖ 90min.com)