អង្គការក្រុមប្រទេសនាំប្រេងចេញហៅកាត់ថា Opep បានផ្សព្វផ្សាយរបាយ ការណ៍ក្នុងខែមេសាធៀបនឹងខែមីនា ដែល របាយការណ៍នោះបានបង្ហាញពីការធ្លាក់ចុះតម្លៃប្រេង១ខែក្រោយពីក្រុមប្រទេស សមាជិក Opep និងក្រុមប្រទេសមិនសមា ជិក Opep និយាយមិនចុះសម្រុងគ្នាក្នុងការ មិនបង្កើនផលិតកម្មប្រេងដើម្បីទប់ទល់នឹង ការធ្លាក់ថ្លៃយ៉ាងគំហុកតាំងពីពាក់កណ្តាល ឆ្នាំ ២០១៤ មកម្ល៉េះ។

ខុសពីការគិតទុកអង្គការ Opep មិនបាន កាត់បន្ថយឬក៏រក្សាកម្រិតផលិតកម្មប្រេងឲ្យនៅថេរទេ តែបែរជាបានដំឡើងបន្ថែម ទៅវិញ។ នៅក្នុងរបាយការណ៍ប្រចាំខែ មេសា ឆ្នាំ២០១៦ ចេញបានប្រាប់ឲ្យដឹងពីការបូមប្រេងក្នុង១ថ្ងៃៗចំនួនជាង៣២លាន បារែលនាខែមេសាកន្លងទៅ ពោលមាន ការកើនឡើងក្នុង១ថ្ងៃៗចំនួន ១៨៨,០០០ បារែលធៀបនឹងខែមីនា។ នេះជាកំណើន មួយដែល Opep មិនធ្លាប់បានធ្វើទេ បើ គិតតាំងពីឆ្នាំ២០០៨។ ប្រសិនបើ Opep នៅ បន្តប្រកាន់យកវិធានការដូចក្នុងខែមេសា ឆ្នាំនេះទៀតនោះកំណើនបរិមាណប្រេងជាមធ្យមក្នុង១ថ្ងៃនៅឆ្នាំ២០១៦ នេះនឹងមាន ប្រមាណ៩៥០,០០០បារែលប៉ុណ្ណោះ។

តាមគម្រោងអង្គការ Opep ត្រៀមនឹងបើកកិច្ចប្រជុំថ្មីរវាងប្រទេសសមាជិក និង មិនសមាជិកនៅថ្ងៃទី២ មិថុនាខាងមុខ តែប្រទេសរុស្ស៊ីតាមរយៈរដ្ឋមន្រ្តីក្រសួងថាមពលលោកអាឡិចសង់ ណូវ៉ាក់បានប្រាប់ ឲ្យដឹងនៅថ្ងៃសុក្រ ទី១៣ ឧសភាថា ភាគី រុស្ស៊ីអាចនឹងអវត្តមាននៅក្នុងកិច្ចប្រជុំនោះ។ រុស្ស៊ីក្នុងនាមជាប្រទេសផលិតប្រេង ទី១ ក្នុងលោកបានត្រៀមខ្លួនជានិច្ចដើម្បីចូលរួមប្រជុំជាមួយអង្គការ Opep ប្រសិនបើមានសំណើអញ្ជើញឲ្យចូលរួមកិច្ចប្រជុំនោះ៕

ដោយ៖ សហការី