ខេត្តស្វាយរៀង៖ ស្ត្រីម្នាក់ស្លាប់ និង២នាក់ទៀតរងរបួសធ្ងន់ស្រាលដោយករណីគ្រោះថ្នាក់ចរាចរណ៍រវាងម៉ូតូម៉ាកហុងដាZoomer ពណ៌ស+ក្រហមបត់ឆ្វេងមិនប្រយ័ត្នត្រូវម៉ូតូមកពីក្រោយចាប់ហ្វ្រាំងមិនទាន់បុកពេញទំហឹងបង្កការភ្ញាក់ផ្អើលដល់អ្នកភូមិទាំងថ្ងៃ។

ហេតុការណ៍នេះបានកើតឡើងកាលពីវេលាម៉ោង១១និង៥នាទីថ្ងៃទី២១  ខែកញ្ញា ឆ្នាំ ២០២២
នៅចន្លោះគីឡូម៉ែត្រលេខ១៣៩និង១៤០ លើផ្លូវជាតិលេខ០១ ស្ថិតក្នុងភូមិលៀប ឃុំកណ្ដៀងរាយ ស្រុកស្វាយទាបខេត្តស្វាយរៀង។

យោងតាមសមត្ថកិច្ចនគរបាលបានអោយដឹងថាស្ត្រីដែលស្លាប់មានឈ្មោះ ឥន ឌឿក  អាយុ៦៣ឆ្នាំ មុខរបរកសិករ និង
អ្នករួមដំណេីរឈ្មោះរិន ស្រីពេជ្រ ភេទស្រីអាយុ១៨ឆ្នាំ មុខរបរកម្មកររោងចក្រ រស់នៅភូមិលៀប ឃុំកណ្ដៀងរាយ ស្រុកស្វាយទាប ខេត្តស្វាយរៀងជិះម៉ូតូម៉ាក
ម៉ាកហុងដាZoomer ពណ៌ស+ក្រហម ពាក់ស្លាកលេខស្វាយរៀង១M -៣៨៧៥។

ចំណែកភាគីម្ខាងទៀតមានឈ្មោះមុី សុខឃៀង ភេទប្រុស អាយុ១៨ឆ្នាំ មុខរបរសិស្ស រស់នៅស្វាយតាយាន ឃុំស្វាយតាយាន ស្រុកកំពង់រោទិ៍ ខេត្តស្វាយរៀងបើកម៉ូតូម៉ាកហុងដាឌ្រីម ស៊េរីឆ្នាំ២០០៥  ពណ៌ខ្មៅពាក់  ស្លាកលេខភ្នំពេញ១A -២៣៦៣ខូចខាតទាំងស្រុង។

តាមសាក្សីបានអោយដឹងថាមុនកើតហេតុមានស្ត្រី២នាក់បានជិះម៉ូតូមួយគ្រឿង
ម៉ាកហុងដាZoomer ពណ៌ស+ក្រហម ពាក់ស្លាកលេខស្វាយរៀង១M -៣៨៧៥ដោយធ្វើដំណើរក្នុងទិសដៅពីលិចទៅកេីតខណៈនោះក៏បានបត់ឆ្វេងខ្វះប្រុងប្រយ័ត្នស្រាប់តែមានម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០០៥  ពណ៌ខ្មៅពាក់  ស្លាកលេខភ្នំពេញ១A- ២៣៦៣ក្នុងទិសដៅស្របគ្នាជាន់ហ្វ្រាំងមិនទាន់ក៏បុកគ្នាយ៉ាងពេញទំហឹងបង្កការភ្ញាក់ផ្អើលតែម្ដង។

ក្រោយមកស្ត្រីឈ្មោះឥន ឌឿក ដោយ
រងរបួសធ្ងន់ត្រូវបានក្រុមគ្រួសារដឹកមកមន្ទីរពេទ្យប៉ុន្តែអកុសលបានស្លាប់បាត់ទៅហើយ។

ចំណែកអ្នករងរបួសទាំង២នាក់ត្រូវបានបញ្ចូនទៅសំរាកព្យាបាលនៅមន្ទីរពេទ្យបង្អែកស្រុកស្វាយទាប រីឯមធ្យោបាយធ្វើដំណើរទាំងពីរគ្រឿងសមត្ថកិច្ចវាស់វែងនិងអូសយកមករក្សាទុកនៅអធិការដ្ឋាននគរបាលស្រុកស្វាយទាបចំពោះសពត្រូវបានសមត្ថកិច្ចធ្វើកំណត់ហេតុនិងប្រគល់អោយក្រុមគ្រួសារយកទៅធ្វើបុណ្យតាមប្រពៃណីទាំងក្ដុកក្ដួលបំផុត៕

ដោយ៖ សុថាន