ក្រុមអ្នកធ្វើយុទ្ធនាការបានរិះគន់សមាគមកីឡាបាល់ទាត់ចំពោះ “ការពន្យារពេលយ៉ាងធ្ងន់ធ្ងរ” នៅក្នុងសេចក្តីថ្លែងការណ៍របស់ខ្លួនស្តីពីសិទ្ធិមនុស្សក្នុងការឈានទៅដល់ការប្រកួតបាល់ទាត់ពិភពលោកឆ្នាំ២០២២ នៅប្រទេសកាតា។កាលពីថ្ងៃពុធសមាគមបាល់ទាត់អង់គ្លេស FA បានចាប់ផ្តើមយុទ្ធនាការប្រឆាំងការរើសអើងដែលនឹងបំពាក់នូវខ្សែដៃ One Love។ វាក៏គាំទ្រការអំពាវនាវឱ្យផ្តល់សំណងសម្រាប់ការរងរបួស ឬការស្លាប់ដែលទាក់ទងនឹងគម្រោងសាងសង់ការប្រកួតបាល់ទាត់ពិភពលោក ប៉ុន្តែ អង្គការឃ្លាំ មើល សិទ្ធិ មនុស្ស បាន ចោទ សួរ ពី ពេល វេលា នៃ ការ ផ្លាស់ ប្តូរ នេះ។

អ្នក នាំ ពាក្យ Rothna Begum បាន និយាយ ថា “សេចក្តីថ្លែងការណ៍ របស់ សមាគម បាល់ទាត់ អង់គ្លេស ត្រូវ បាន ស្វាគមន៍ បើទោះ បី ជា មាន ការ ពន្យារ ពេល យ៉ាង ធ្ងន់ធ្ងរ ក៏ ដោយ។ នៅសល់តែប៉ុន្មានសប្តាហ៍ទៀតប៉ុណ្ណោះ មុនពេលការប្រកួតបាល់ទាត់ដំបូងត្រូវបានចាប់ផ្តើម វាជារឿងបន្ទាន់ដែលសមាគមបាល់ទាត់ទាំងអស់ដាក់សម្ពាធជាអតិបរមាលើអាជ្ញាធរ FIFA និងកាតាក្នុងការប្តេជ្ញាចិត្ត និងបង្កើតមូលនិធិដែលនឹងផ្តល់សំណងដល់ការលួចប្រាក់ឈ្នួល ការរងរបួស និងការស្លាប់របស់កម្មករពេលសាងសង់កីឡដ្ឋានចាប់តាំងពីពួកគេត្រូវបានទទួលធ្វើជាម្ចាស់ផ្ទះ”។

 FA អះអាងថា ខ្លួនបានពិភាក្សាអស់រយៈពេលជាងមួយឆ្នាំលើប្រទេសកាតាជាមួយអង្គការសិទ្ធិមនុស្ស សហជីព និងអង្គការមិនមែនរដ្ឋាភិបាលដើម្បីទទួលបានការយល់ដឹងប្រកបដោយតុល្យភាពនៃបញ្ហាសំខាន់ៗនៅក្នុងប្រទេស និងតំបន់ទូលំទូលាយ។ ខ្លួនកំពុងបញ្ចុះបញ្ចូលស្ថាប័នគ្រប់គ្រងបាល់ទាត់ពិភពលោករបស់ FIFA ឱ្យសាងសង់មជ្ឈមណ្ឌលពលករចំណាកស្រុក ហើយកម្មករនឹងត្រូវបានអញ្ជើញឱ្យទៅមូលដ្ឋានហ្វឹកហាត់បាល់ទាត់ពិភពលោករបស់ក្រុមអង់គ្លេសនៅ Al Wakrah ដើម្បីចូលរួមជាមួយកីឡាករ។

ប្រធានក្រុមអង់គ្លេស Harry Kane គ្រោងនឹងពាក់ខ្សែដៃ One Love សម្រាប់ការប្រកួត Nations League និងនៅ World Cup ខណៈដែលប្រទេសហូឡង់បានចាប់ផ្តើមយុទ្ធនាការ One Love មុន Euro 2020 ដើម្បីលើកកម្ពស់ភាពចម្រុះ និងការរួមបញ្ចូល និងជាសារប្រឆាំងនឹងការរើសអើង។ ចំណែកបែលហ្ស៊ិក ដាណឺម៉ាក បារាំង អាល្លឺម៉ង់ ន័រវេស ស៊ុយអែត វេល និងស្វីស ក៏កំពុងគាំទ្រគំនិតផ្តួចផ្តើមនេះដែរ។

 វាត្រូវបានគេប៉ាន់ស្មានថា មានកម្មករចំណាកស្រុករហូតដល់៣០,០០០នាក់ត្រូវបានប្រើប្រាស់ក្នុងគម្រោងសាងសង់កីឡដ្ឋានចំនួន៧សម្រាប់ការប្រកួតវគ្គផ្តាច់ព្រ័ត្រក្នុងប្រទេសកាតា ក៏ដូចជាព្រលានយន្តហោះថ្មី រថភ្លើងក្រោមដីថ្មី និងផ្លូវថ្នល់ថ្មី។របាយការណ៍បានឲ្យដឹងថា ចាប់តាំងពីឆ្នាំ២០១០មក ពលករចំណាកស្រុករាប់សែននាក់បានប្រឈមមុខនឹងការរំលោភសិទ្ធិមនុស្សខណៈដែលត្រូវបានជួលឱ្យសាងសង់ហេដ្ឋារចនាសម្ព័ន្ធធំទូលាយដែលចាំបាច់សម្រាប់រៀបចំការប្រកួតក៏ដូចជាកន្លែងប្រកួត។

 គួរបញ្ជាក់ថា ការប្រកួតបាល់ទាត់ពិភពលោកឆ្នាំ២០២២នេះ ប្រទេសកាតាជាម្ចាស់ផ្ទះ ដោយធ្វើឡើងនៅរដ្ឋឈូងសមុទ្រនៃប្រទេសនេះចាប់ពីថ្ងៃទី២០ ខែវិច្ឆិកាដល់ថ្ងៃទី១៨ ខែធ្នូ ៕ (រូបភាព ៖ BBC Sport)